1st Chronicles Chapter 24 - Paipera Tapu 1868 | Te Paipera Tapu 1868

1st Chronicles Chapter 24 - Paipera Tapu 1868

1
Na, nga wehenga o nga tamariki a Arona. Nga tamariki a Arona, ko Natapa, ko Apihu, ko Ereatara, ko Itamara.
2
A, i mate a Natapa raua ko Apihu ki te aroaro o to raua pāpā; kahore hoki a raua tama: a, ko Ereatara raua ko Itamara hei tohunga.
3
Na, ka wehea raua e Rawiri, a Haroko o nga tama a Ereatara, a Ahimereke o nga tama a Itamara, he mea whakarite ki nga tikanga ma raua mo a raua mahi.
4
Na, kua kitea he tokomaha rawa nga tino tangata o nga tama a Ereatara i o nga tama o Itamara; a, ko to ratou wehenga tenei. O nga tama a Ereatara kotahi tekau ma ono nga tino tangata o te whare o o ratou mātua; a, o nga tama a Itamara, o te whare o o ratou mātua, tokowaru.
5
Ko to ratou wehenga tenei, he mea mea ki te rota, enei hui tahi ki era; no nga tama hoki a Ereatara, no nga tama ano a Itamara nga rangatira o te wahi tapu, me nga rangatira o te whare o te Atua.
6
He mea tuhituhi ano ratou na Hemaia karaipi tama a Netaneere, he tangata no nga Riwaiti, ki te aroaro o te kingi, o nga rangatira, o Haroko tohunga raua ko Ahimereke tama a Apiatara, ki te aroaro ano o nga upoko o nga mātua o nga tohunga, o nga Riwaiti: kotahi whare matua i riro mai mo Ereatara, a kotahi i riro mai mo Itamara.
7
Na, te putanga mai o te rota tuatahi, no Tehoiaripi; te tuarua no Iraia,
8
Te tuatoru no Harimi, te tuawha no Heorimi,
9
Te tuarima no Marakia, te tuaono no Miiamini,
10
Te tuawhitu no Hakoto, te tuawaru no Apia,
11
Te tuaiwa no Hehua, te tekau no Hekania,
12
Te tekau ma tahi no Eriahipi, te tekau ma rua no Iakimi,
13
Te tekau ma toru no Hupa, te tekau ma wha no Iehepeapa,
14
Te tekau ma rima no Pirika, te tekau ma ono no Imere,
15
Te tekau ma whitu no Hetiri, te tekau ma waru no Apahehe,
16
Te tekau ma iwa no Petahia, te rua tekau no Ehekiere,
17
Te rua tekau ma tahi no Iakini, te rua tekau ma rua no Kamuru,
18
Te rua tekau ma toru no Teraia, te rua tekau ma wha no Maatia.
19
Ko nga tikanga enei ma ratou mo a ratou mahi, mo te haere ki roto ki te whare o Ihowa, he mea rite tonu ki nga ritenga ma ratou; te kai whakamahi, ko to ratou pāpā ko Arona, he pera ano me ta Ihowa Atua o Iharaira i whakahau ai ki a ia.
20
Na, era atu o nga tamariki a Riwai: o nga tama a Amarama; ko Hupaere: o nga tama a Hupaere; ko Iehereia.
21
Na, a Rehapia: o nga tama a Rehapia; te tuatahi, ko Ihiia.
22
O nga Itihari; ko Heremoto: o nga tama a Heremoto; ko Iahata.
23
Na, nga tama a Heperona; ko Teria te tuatahi, ko Amaria te tuarua, ko Tahatiere te tuatoru, ko Tekameama te tuawha.
24
O nga tama a Utiere; ko Mika: o nga tama a Mika; ko Hamiri.
25
Te teina o Mika; ko Ihiia: o nga tama a Ihiia; ko Hakaraia.
26
Nga tama a Merari; ko Mahari, ko Muhi: nga tama a Taatia; ko Peno.
27
Nga tama a Merari raua ko Taatia; ko Peno, ko Hohama, ko Takuru, ko Ipiri.
28
Na Mahari, ko Ereatara; a kahore a tenei tama.
29
Na, a Kihi; te tama a Kihi, ko Ierameere.
30
Nga tama ano hoki a Muhi; ko Mahari, ko Erere, ko Terimoto. Ko nga tama enei a nga Riwaiti, no nga whare ano o o ratou mātua.
31
I maka rota ano enei i te ritenga atu ano o o ratou tuakana, o nga tama a Arona, i te aroaro o Kingi Rawiri, o Haroko ano hoki raua ko Ahimereke, o nga upoko ano o nga mātua, o nga tohunga, o nga Riwaiti, ara, o nga tino mātua i te ritenga atu ano o o ratou teina.