- 1
- Na, i taua wa ano, ka totoro atu nga ringa o kingi Herora ki te tukino i etahi o te hahi.
- 2
- A whakamatea ana e ia a Hemi tuakana o Hoani ki te hoari.
- 3
- A, tona kitenga he mea pai ki nga Hurai, ka anga ano ia, ka hopu ano hoki i a Pita. (Ko nga ra ano ia o te taro rewena-kore.)
- 4
- Ano ka mau ia, ka makā ki te whare herehere, a tukua ana ki nga hoia kotahi tekau ma ono kia tiakina; i mea, ko muri iho i te Kapenga ka whakaputaina mai ia ki waho ki te iwi.
- 5
- Na, ka puritia a Pita ki roto ki te whare herehere: otiia kihai i mutumutu te inoi a te hahi ki te Atua mona.
- 6
- Ano ka tata ia te arahina ki waho e Herora, i taua po e moe ana a Pita i waenganui o nga hoia tokorua, he mea here ki nga mekameka e rua: me nga kai tiaki i te tatau, e tiaki ana i te whare herehere.
- 7
- Na ko te turanga o tetahi anahera a te Ariki ki tona taha, tiaho ana te māramatanga i roto i te whare: na, ka papaki ia i te kaokao o Pita, ka whakaara i a ia, ka mea, E ara, hohoro. A marere iho ona mekameka i nga ringa.
- 8
- Na, ko te meatanga atu a te anahera ki a ia, Whitikiria tou, herea ou hu. A meinga ana e ia. Ka mea atu ano ki a ia, Kakahuria tou kakahu, haere mai i muri i a au.
- 9
- Na, ka haere atu ia ki waho, ka aru i a ia; a kihai i mahara he pono ta te anahera i mea ai; hua noa he rekanga kanohi tana i kite nei.
- 10
- Ano ka mahue te tuatahi te tuarua o nga kai tiaki, ka tae ki te tatau rino i te putanga atu ki te pa; tuwhera noa ana ki a raua: puta ana raua ki waho, haere ana, puta rawa i tetahi ara, mawehe tonu atu te anahera i a ia.
- 11
- A, te hokinga ake o nga whakaaro o Pita, ka mea ia, Katahi ahau ka tino mohio, kua tono mai te Ariki i tana anahera, hei tango i a au i roto i te ringa o Herora, i nga mea katoa ano hoki e taria nei e te iwi o nga Hurai.
- 12
- Ano ka whakaaroa e ia, ka haere atu ki te whare o Meri, whaea o Hoani, te rua nei o ona ingoa ko Maka; he tokomaha hoki kua huihui ki reira ki te inoi.
- 13
- A, te patukinga atu a Pita ki te tatau o te whatitoka, ka tae mai he kotiro ki te whakarongo, ko Rora te ingoa.
- 14
- Ano ka mohio ia ki te reo o Pita, kihai i uakina te tatau i te hari, heoi oma ana ki roto, ki te korero ki te tunga mai o Pita i te tatau.
- 15
- Na, ka mea ratou ki a ia, E haurangi ana koe. Heoi ka tohe tonu ia he pono. Na, ka mea ratou, Ko tona anahera.
- 16
- Me te patuki tonu ano tera a Pita: a, ta ratou uakanga, ka kite i a ia, ka miharo.
- 17
- Na, ka pepehi atu tona ringa i a ratou kia kaua e kuihi, ka korerotia ki a ratou tona whakaputanga mai e te Ariki i roto i te whare herehere. A ka mea, Korerotia atu enei mea ki a Hemi, ratou ko nga teina. Na, ka puta atu ia, a haere ana he wahi ke.
- 18
- Na, ka ao te ra, kihai i iti te pororaru o nga hoia, i ahatia ranei a Pita.
- 19
- Na, ka rapu a Herora i a ia, a, tē kitea, ka whakawa ia i nga kai tiaki, a ka mea kia arahina ratou kia patua. Na, haere atu ana ia i Huria ki raro ki Hiharia noho ai.
- 20
- A i nui ano te riri a Herora ki te hunga o Taira, o Hairona: otira ka puta ngatahi mai ratou ki a ia, a ka oti a Parahitu te kai tiaki o te whare moenga o te kingi te whakaki e ratou, ka tono kia houhia te rongo; no to te kingi whenua hoki nga kai o to ratou.
- 21
- A i tetahi ra i whakaritea, ka kakahu a Herora i tetahi kakahu kingi, ka noho ki runga ki te torona, a whakatu ana ki a ratou.
- 22
- Na, ko te karangatanga a te huihui, He reo atua, ehara i to te tangata.
- 23
- A i reira pu ano ka patua ia e tetahi anahera a te Ariki, no te mea kihai i hoatu e ia te kororia ki te Atua: a kainga ana ia e te kutukutu, hemo ake.
- 24
- Na, ka tupu te kupu a te Atua, ka nui haere.
- 25
- A ka hoki mai a Panapa raua ko Haora i Hiruharama, i te otinga o ta raua mahi, me te kawe mai i a Hoani, te rua nei o ona ingoa ko Maka.
Address: 
Phone: 
Email: