- 1
- Na, ka mea mai te Atua ki a Hakopa, Whakatika, haere ki runga ki Pete-ere, ki reira noho ai; ka hanga koki ki reira i tetahi aata ma te Atua i puta mai nei ki a koe, i to rerenga mai i te aroaro o Ehau o to tuakana.
- 2
- Katahi ka mea atu a Hakopa ki tona whare, ki ona tangata katoa hoki, Whakarerea atu nga atua ke i roto i a koutou, kia ma koki, a kakahuria etahi kakahu ke mo koutou:
- 3
- Whakatika, tatou ka haere ki runga ki Pete-ere; a ka hangā e ahau ki reira tetahi aata ma te Atua i whakarongo mai nei ki a au i te ra i pouri ai ahau, i tata ano hoki ki a au i te huarahi i haere ai ahau.
- 4
- Na, ka homai e ratou ki a Hakopa a ratou atua ke katoa, me nga whakakai i o ratou taringa; a ka huna e Hakopa aua mea ki raro iho i te oki i Hekeme.
- 5
- Na, ka turia atu e ratou: a i runga te wehi o te Atua i nga pa i tetahi taha i tetahi taha o ratou, a kihai ratou i whai i nga tamariki a Hakopa.
- 6
- Na, ka tae mai a Hakopa ki Rutu, ki tera hoki i te whenua o Kanaana, ara, ki Pete-ere, a ia me tona nuinga katoa.
- 7
- A ka hangā e ia he aata ki reira, a huaina iho e ia taua wahi ko Ere-pete-ere: no te mea hoki i puta mai te Atua ki a ia ki reira, i tona rerenga i te aroaro o tona tuakana.
- 8
- Na, ka mate a Tepora te kai whakangote o Ripeka, a ka tanumia ki raro i Pete-ere, ki raro i te oki; a ka huaina to reira ingoa ko Aroni-pakuta.
- 9
- A, i puta mai ano te Atua ki a Hakopa, i tona haerenga mai i Parana-arama, i manaaki hoki i a ia.
- 10
- A ka mea mai te Atua ki a ia, Ko Hakopa tou ingoa: e kore tou ingoa e karangatia ko Hakopa a muri ake nei, engari ko Iharaira hei ingoa mou. Na, huaina ana e ia tona ingoa ko Iharaira.
- 11
- A i mea mai ano te Atua ki a ia, Ko ahau te Atua kaha rawa: kia hua koe, kia nui; kia puta mai he iwi, he huinga iwi ano hoki i roto i a koe, kia puta mai ano hoki nga kingi i roto i tou hope;
- 12
- A ko te whenua i hoatu e ahau ki a Aperahama raua ko Ihaka, ka hoatu ano tena e ahau ki a koe, ka hoatu ano hoki e ahau tena whenua ki ou uri i muri i a koe.
- 13
- Na, ka mawehe atu te Atua i a ia ki runga, i te wahi i korero ai ia ki a ia.
- 14
- Na, ka whakaturia ake e Hakopa he pou ki te wahi i korero ai ia ki a ia, he pou kohatu: a ka ringitia e ia he ringihanga ki runga, i ringitia ano hoki e ia he hinu ki runga.
- 15
- A huaina iho e Hakopa te ingoa o te wahi i korero ai te Atua ki a ia, ko Pete-ere.
- 16
- Na, ka hapainga mai e ratou i Pete-ere; a ka whano ka tae ratou ki Eparata, na, ka whakawhanau a Rahera, a ka whakauaua tona whanautanga.
- 17
- A i te mea ka whakauaua tona whanautanga, na ka mea te kai whakawhanau ki a ia, Kaua e wehi; ta te mea he tamaiti ano hoki tenei au.
- 18
- A i te mea ka haere tona wairua, (i mate hoki ia,) na, ka huaina e ia tona ingoa ko Penoni: na tona papa ia i hua ko Peniamine.
- 19
- Na, ka mate a Rahera, a ka tanumia ki te ara ki Eparata, ara, ki Pete-rehema.
- 20
- A ka whakaturia e Hakopa he pou ki runga ki tona rua: ko te pou ia o te rua o Rahera, a, tae noa ki tenei ra.
- 21
- Na, ka turia atu e Iharaira, a ka whakaturia e ia tona teneti ki tua atu i te pourewa i Erara.
- 22
- A i a Iharaira e noho ana i taua whenua, na, ka haere a Reupena, a ka takoto ki a Piriha ki te wahine iti a tona papa; a ka rongo a Iharaira. Na, kotahi tekau ma rua nga tamariki a Hakopa:
- 23
- Nga tamariki a Rea; ko Reupena, ko te matamua a Hakopa, ko Himeona, ko Rewi, ko Hura, ko Ihakara, ko Hepuruna:
- 24
- Nga tamariki a Rahera; ko Hohepa raua ko Peniamine:
- 25
- Nga tamariki a Piriha pononga wahine a Rahera; ko Rana raua ko Napatari:
- 26
- Nga tamariki a Tiripa pononga wahine a Rea; ko Kara raua ko Ahera: ko nga tamariki enei a Hakopa, i whanau nei mana ki Parana-arama.
- 27
- Na, kua tae mai a Hakopa ki a Ihaka ki tona papa, ki Mamere, ki te pa o Arapa, ara, ki Heperona, ki te wahi hoki i noho ai a Aperahama raua ko Ihaka.
- 28
- A kotahi rau e waru tekau tau nga ra o Ihaka.
- 29
- Na, ka hemo a Ihaka, a ka mate, a ka kohia atu ki tona iwi, he koroheke, kua maha hoki ona ra: a na ana tamariki na Ehau raua ko Hakopa ia i tanu.
Address: 
Phone: 
Email: