- 1
- He maha nga wahi he maha nga huarahi i korero ai te Atua i mua, ara, nga poropiti ki nga mātua,
- 2
- I enei ra whakamutunga na tana Tama ana korero ki a tatou, ko tana hoki ia i mea ai māna nga mea katoa, ko tana kai hanga hoki ia o nga ao;
- 3
- Ko ia te kanapatanga o tona kororia, te tino ahua o tona pumautanga, te kai whakau o nga mea katoa, he meatanga ki te kupu o tona kaha, ka oti i a ia ake ano te horoi o tatou hara, na, noho ana ia i te ringa matau o te Nui i runga rawa;
- 4
- A meinga ana ia kia pai ake i nga anahera, kia pera me te ingoa i riro i a ia e nui atu ana i to ratou.
- 5
- Ki a wai hoki o nga anahera tana meatanga i mua, Ko koe taku Tama, no naianei koe i whakatupuria ai e ahau? Me tenei ano, Ko ahau hei Matua ki a ia, ko ia hei Tama ki a au?
- 6
- I tana kawenga mai ano hoki i te whanau matamua ki te ao, ka mea ia, A kia koropiko nga anahera katoa o te Atua ki a ia.
- 7
- Tana kupu ia mo nga anahera, Meinga ana e ia ana anahera hei wairua, ana kai mahi hei mura ahi.
- 8
- Tana ia ki te Tama, Pumau tonu ana tou torona, e te Atua, ake ake: he hepeta tika te hepeta o tou kingitanga:
- 9
- I arohaina e koe te tika, i kinongia e koe te hara; no reira nui atu i to ou hoa te whakawahinga a te Atua, a tou Atua, i a koe ki te hinu o te hari.
- 10
- Me tenei ano, Nāu, e te Ariki, te timatanga i whakatakoto te whenua; a he mahi nga rangi na ou ringa:
- 11
- Ko era e hemo atu, ko koe ia e mau tonu: ka tawhitotia katoatia ano hoki era me he kakahu;
- 12
- Ka whakakopakopaia e koe, ano he koheka, ka whakaputaia ketia: ko koe tonu ano ia koe, kahore hoki he mutunga o ou tau.
- 13
- Ki a wai hoki o nga anahera tana meatanga i mua, Hei toku ringa matau koe noho ai, kia meinga ra ano e ahau ou hoa riri hei turanga waewae mou?
- 14
- He teka ianei he wairua kai mahi ratou katoa, he mea tono mai hei minita he whakaaro ki te hunga mo ratou nei te whakaoranga?
Address: 
Phone: 
Email: