- 1
- Na, ko te tikanga rawatanga tenei kia whakaaro tatou ki nga mea kua rangona, kei pahuhu atu i a tatou.
- 2
- Na, i u nei te kupu i whakapuakina e nga anahera, tika tonu hoki te utu i whakahokia mo nga pokanga ketanga katoa me nga mahi tutū;
- 3
- Me pehea ka ora ai tatou ki te paopao tatou ki tenei oranga nui; i timataia nei te korero e te Ariki, a kua whakaukia mai ki a tatou e te hunga i rangona ai;
- 4
- Me te whakaatu ano te Atua ki ta ratou, i runga i nga tohu, i nga mea whakamiharo, i tona tini o nga merekara, i nga tuwhanga mai ano hoki o te Wairua Tapu, he pera ano me tana i pai ai?
- 5
- Kahore hoki i waiho e ia ki raro i nga anahera te ao meake nei puta, ta matou e korero nei.
- 6
- Heoi i whakaaturia mai e tetahi i tetahi wahi, i mea mai ia, He aha te tangata, i mahara ai koe ki a ia? te tama ranei a te tangata, i tirohia ai ia e koe?
- 7
- Nohinohi nei te wahi i whakaititia iho ai ia e koe i nga anahera; kua karaunatia ano ia e koe ki te kororia ki te honore, a kua waiho nei ia e koe hei rangatira mo nga mahi a ou ringa:
- 8
- Kua waiho nei e koe nga mea katoa ki raro i ona waewae. Na, i nga mea katoa ka waiho nei i raro i a ia, kahore i mahue tetahi mea kihai nei i waiho i raro i a ia. Otira kahore ano tatou kia kite noa i nga mea katoa kua oti te waiho i raro i a ia.
- 9
- Ka kite raia tatou i a Ihu, he nohinohi nei te wahi i whakaititia iho ai ia i nga anahera, ka oti nei te karauna ki te kororia ki te honore; i muri nei i tona ngaunga e te mate, he meatanga na to te Atua aroha noa, kia pāngia ia e te mate mo nga tāngata katoa.
- 10
- Ko tana tikanga tika hoki ia, māna nei nga mea katoa, nāna ano hoki nga mea katoa, i a ia e arahi ana i nga tamariki tokomaha ki te kororia, kia waiho nga mamae hei mea e tino rite ai te Take o to tatou whakaoranga.
- 11
- Na, te kai whakatapu ratou ko te hunga e whakatapua ana, no te pu kotahi ratou katoa: koia ia tē whakama ai kia karangatia ratou he teina;
- 12
- E mea nei ia, Maku e korero tou ingoa ki aku teina; ka himene atu ahau ki a koe i waenganui o te hahi.
- 13
- Me tenei ano hoki, Ka u pu ahau ki a ia. Me tenei ano, Nana, ahau nei me nga tamariki i homai e te Atua ki ahau.
- 14
- Na, kei nga tamariki he kikokiko he toto, koia hoki ia i whakawhiwhia ai ano hoki ki aua mea; kia ai tona matenga hei whakakahore mo te rangatira o te mate, ara mo te rewera;
- 15
- Kia whakaputaina mai ai hoki e ia ki waho te hunga i meinga nei i te wehi o te mate hei taurekareka i nga wa katoa i ora ai ratou.
- 16
- Kihai hoki ia i mau ki nga anahera; engari i mau ia ki te whanau o Aperahama.
- 17
- No konei i tika ai kia whakaritea ia ki ona teina i nga mea katoa, kia waiho ai ia hei tohunga nui e atawhai ana e pono ana i nga meatanga ki te Atua, hei mea whakamarietanga mo nga hara o te iwi.
- 18
- I te mea hoki ka whakamatautauria ia, a mamae iho, e taea e ia te awhina i te hunga e whakamatautauria ana.
Address: 
Phone: 
Email: