Isaiah Chapter 12 - Paipera Tapu 1868

1: I taua rangi ano ka mea koe, Ka whakamoemiti atu ahau ki a koe, e Ihowa: ahakoa i riri koe ki a au, kua tahuri atu to riri, a kei te whakamarie koe i a au.
2: Nana, ko te Atua toku whakaoranga, ka whakawhirinaki ahau, e kore ano e wehi; ko Ihowa hoki toku kaha, taku waiata, ko ia ano hoki hei whakaoranga moku.
3: Na, ka koa koutou, ka utu wai ano hoki i roto i nga puna o te whakaoranga;
4: Ka mea ano hoki i taua ra, Whakamoemitia a Ihowa, karanga atu ki tona ingoa, kia mohiotia ana mahi i roto i nga iwi; kauwhautia atu kua oti tona ingoa te whakaneke ake.
5: Waiata atu ki a Ihowa, he nui noa atu hoki ana mahi: e mohiotia ana tenei puta noa i te ao.
6: Hamama, kia nui te reo, e te wahine e noho ana i Hiona, e nui ana hoki te Mea Tapu o Iharaira i roto i a koe.