- 1
- I korero ano a Erihu, i mea,
- 2
- Ki tau whakaaro he tika ranei tenei, tau e ki na, Nui atu toku tika i to te Atua?
- 3
- Kua mea mai na hoki koe, He aha te rawa ki a koe? He aha te painga ki a au, ki te mea ka horoia atu toku hara?
- 4
- Maku e whakahoki atu he kupu ki a koe, ki a koutou tahi ano ko ou hoa.
- 5
- Kia matatau atu to titiro ki nga rangi; matakitakina atu hoki nga kapua e tiketike ake na i a koe.
- 6
- Ki te hara koe, ka ahatia ia e to mahi; ki te whakanuia o mahi tutu, e aha ana ranei koe ki a ia?
- 7
- Ki te mea he tika tau, ko te aha e homai ana e koe ki a ia? ko te aha ranei a to ringa e riro mai ana i a ia?
- 8
- To kino, he mea ano ki te tangata, te pena me koe na; to tika he mea ano ki te tama a te tangata.
- 9
- He maha no nga tukinotanga i mea ai ratou i te tangata kia tangi; aue ana ratou i te ringaringa o te hunga nui.
- 10
- Kahore hoki tetahi e mea ana, Kei hea toku kai hanga, te Atua e homai nei i nga waiata i te po?
- 11
- He nui atu nei hoki tana whakaako ki a tatou i tana ki nga kararehe o te whenua; nana hoki i nui ai o tatou mahara i o nga manu o te rangi.
- 12
- Karanga ana ratou i reira, heoi kahore he kupu e whakahokia mai, he mea na te whakapehapeha o te hunga kino.
- 13
- He pono e kore te tekateka noa e whakarangona mai e te Atua, e kore ano hoki e tirohia mai e te Kaha-rawa.
- 14
- Ahakoa mea noa koe e kore koe e kite i a ia, kei tona aroaro ano te whakarite whakawa. Na, whakawhirinaki atu ki a ia.
- 15
- Na, kihai nei ia i tae mai i runga i tana riri, kihai ano hoki i mohio mai ki te nui whakaharahara o te he.
- 16
- Koia i puaki ai te mangai o Hopa, he mea horihori kau nei: kahore he matauranga o nga kupu e whakamahatia nei e ia.
Address: 
Phone: 
Email: