- 1
- A, te putanga ake o te rota, ko ta nga tamariki a Hohepa; kei Horano, kei te taha o Heriko, i haere ki nga wai o Heriko te taha ki te rawhiti, a tae noa ki te koraha e takoto atu ra i Heriko, puta noa i Maunga Pete-ere.
- 2
- Na, ka haere atu i Pete-ere ki Rutu, a tika tonu atu ki nga rohe o Araki ki Ataroto,
- 3
- Na, ka haere ki raro ki te taha ki te hauauru ki te rohe o Iapareti, tae noa ki te rohe o Pete-horono ki raro, ki Ketere: a, tona putanga atu kei te moana ra ano.
- 4
- Na, ka riro to ratou kāinga tupu nga tamariki a Hohepa, i a Manahe raua ko Eperaima.
- 5
- A ko te rohe tenei ki nga tamariki a Eperaima, ki tenei hapu ki tenei hapu o ratou: ko te rohe o to ratou kāinga ki te taha ki te rawhiti ko Ataroto-arara, tae noa ki Pete-horono ki runga;
- 6
- A i puta atu te rohe whaka-te-moana ki Mikimeta ki te taha ki te nota; a, i awhio haere te rohe whaka-te-rawhiti ki Taanata-hiro, a ka whakarerea atu a reira i te taha ki te rawhiti, a, Ianoha;
- 7
- Na, ka anga mai i Ianoha ki raro ki Ataroto, ki Naarata, a ka pa ki Heriko, puta rawa atu kei Horano.
- 8
- I haere atu te rohe i Tapua whaka-te-moana ki Awa Kanaha; a kei te moana ona putanga atu. No te wahi tupu tenei o te iwi o nga tamariki a Eperaima, o tenei hapu o tenei hapu o ratou.
- 9
- A i roto i te wahi o nga tamariki a Manahe nga pa i motuhia mai mo nga tamariki a Eperaima, nga pa katoa me nga kāinga koraha o aua pa.
- 10
- A kihai i peia e ratou te Kanaani e noho ana i Ketere: heoi noho ana te Kanaani i waenganui o Eperaima, a taea noatia tenei ra, a ka meinga hei apa homai takoha.
Address: 
Phone: 
Email: