- 1
- He hiahia no te tangata i mawehe atu ai ia, i rapu ai, i pa atu ai ki nga matauranga katoa.
- 2
- Kahore o te whakaaro-kore whakapai ki te matauranga; engari kia whakakitea atu e ia tona ngakau.
- 3
- I te taenga mai o te tangata kino, ka tae mai ano te whakahawea, me te ingoa kino ano hei hoa mo te whakama.
- 4
- He wai hohonu nga kupu a te mangai o te tangata, te puna o te whakaaro nui, ano he awa e rere ana.
- 5
- Ehara i te pai te whakapai atu ki te kanohi o te tangata kino, te whakariro ke i ta te tangata tika ina whakarite whakawa.
- 6
- To nga ngutu o te whakaaro-kore he anga ki te totohe, e karangarangatia ana ano hoki he whiu e tona mangai.
- 7
- Hei whakangaromanga mona te mangai o te whakaaro-kore; hei rore ano hoki ona ngutu mo tona wairua.
- 8
- Nga kupu a te kawe korero ano he patunga; tae tonu iho ki nga wahi o roto rawa o te kopu.
- 9
- Te tangata ano hoki e mangere ana ki tana mahi, hei teina ia ki te tangata maumau.
- 10
- Hei pourewa kaha te ingoa o Ihowa; rere ana te tangata tika ki reira, a ora ake.
- 11
- Ko nga rawa o te tangata taonga hei pa kaha mona, hei taiepa tiketike ano hoki ki tana whakaaro iho.
- 12
- I mua ake o te wkakangaromanga ka whakakake te ngakau o te tangata; i mua ake ano hoki o te honore ko te ngakau whakaiti.
- 13
- Te tangata e whakahoki kupu ana i te mea kahore ano ia i rongo noa, he mahi wairangi tera nana, he hanga whakama.
- 14
- E whakamanawanui te wairua o te tangata ki tona mate; tena ko te wairua maru, ko wai e kaha ki tera?
- 15
- Ka whiwhi te ngakau matau ki te mohiotanga; e rapu ana hoki te taringa o te hunga whakaaro nui ki te mohiotanga.
- 16
- Ma te mea homai noa a te tangata ka watea ai he wahi mona, ka kawea ano ia e tera ki te aroaro o nga tangata nui.
- 17
- Te tangata nana te kupu tuatahi i te whakawakanga nana te tika; te haerenga mai o tona hoa, kei te rapu i te tikanga o tana.
- 18
- Ma te rota e mutu ai nga tautohe, hei tauarai ano tera i waenganui o te hunga kaha.
- 19
- He tuakana, teina ranei, i whakatakariritia, pakeke atu ia i te pa kaha; a raua ngangare ano hoki koia ano kei te tutaki tatau o te whare rangatira.
- 20
- Ka makona te kopu o te tangata i nga hua o tona mangai, ka makona ia i nga hua o ona ngutu.
- 21
- Kei te arero te tikanga o te mate o te ora: te hunga e aroha ana ki tera ka kai i ona hua.
- 22
- Te tangata kua kite i te wahine mana, kua kite i te pai, kua whiwhi ano hoki ki ta Ihowa whakapai.
- 23
- He korero tuā inoi ta te rawa-kore; he kaha ta te tangata toanga e whakahoki mai ai.
- 24
- Te tangata he hoa aroha nei ona, me whakatangata aroha ano ia; tera ano ia te hoa aroha, nui atu i to te tuakana, i to te teina, tona piri mai.
Address: 
Phone: 
Email: