- 1
- (He waiata, he himene na Rawiri.) Pumau tonu toku ngakau, e te Atua, pumau tonu toku ngakau: ka waiata ahau, ka himene atu, ae ra, toku kororia ano.
- 2
- E ara, e te hatere, e te hāpa: ka ara wawe ano hoki ahau.
- 3
- Ka whakamoemiti ahau ki a koe, e Ihowa i waenganui i te iwi: ka himene atu ki a koe i waenganui i nga tauiwi.
- 4
- E nui ana hoki tau mahi tohu, a tutūki noa ki nga rangi, tou pono a tutūki noa ki nga kapua.
- 5
- Kia whakanuia koe, e te Atua, ki runga atu i nga rangi: hei runga atu i te whenua katoa tou kororia.
- 6
- Kia mawhiti tau e pai ai: whakaorangia ki tau ringaringa matau, whakahokia mai hoki he kupu ki a au.
- 7
- Kua korero te Atua i runga i tona tapu: ka hari ahau, ka kotikoti i Hekeme, ka roherohe hoki i Raorao Hukoto.
- 8
- Noku Kireara, noku ano a Manahe: ko Eperaima ano hoki te kaha o toku mātenga.
- 9
- Ko Hura taku kai whakatakoto ture, ko Moapa taku oko horoi; ka makā e au taku hu ki runga ki a Eroma: ka whakamanamana ahau i runga i Pirihitia.
- 10
- Ma wai ahau e kawe atu ki roto ki te pa kaha? ma wai ahau e arahi atu ki roto ki Eroma?
- 11
- E kore oti ranei koe, e te Atua, kua pangā nei hoki matou e koe, kahore ano hoki koe, e te Atua, e haere tahi atu me a matou taua?
- 12
- Homai ki a matou he awhina, kei mate: he teka noa hoki te whakaoranga a te tangata:
- 13
- Ma te Atua tatou ka toa ai: mana hoki e takahi ki raro o tatou hoa whawhai.
Address: 
Phone: 
Email: