- 1
- Whakamoemititia a Ihowa. Ka whakapaua toku ngakau ki te whakawhetai atu ki a Ihowa, i te runanga o te hunga tika, i te whakaminenga.
- 2
- He nui nga mahi a Ihowa; e whakatakina ana e te hunga katoa e manako atu ana ki aua mea.
- 3
- He mea honore, he mea kororia tana mahi: tu tonu tona tika ake ake.
- 4
- Kua meinga e ia kia maharatia ana mahi whakamiharo: he atawhai a Ihowa, he aroha.
- 5
- E homai ana e ia he kai ma te hunga e wehi ana ki a ia: mahara tonu ia ki tana kawenata.
- 6
- Kua whakakitea e ia ki tana iwi te kaha o ana mahi, i tana hoatutanga i nga tauiwi hei kāinga tupu.
- 7
- He pono, he whakarite whakawa nga mahi a ona ringaringa: he pono katoa ana akoranga.
- 8
- E u tonu ana ake ake: e mahia ana i runga i te pono, i te tika.
- 9
- I tonoa mai e ia he whakaoranga mo tana iwi: kua kiia iho e ia tana kawenata mo ake tonu atu; e tapu ana, e wehingia ana tona Ingoa.
- 10
- Te timatanga o te whakaaro nui he wehi ki a Ihowa: he ngarahu pai to te hunga katoa e mahi ana i aua mea; ka mau te whakamoemiti ki a ia, ake ake ake.
Address: 
Phone: 
Email: