- 1
- (He waiata; he pikitanga. Na Rawiri.) Koa tonu ahau i to ratou meatanga mai ki a au: Tatou ka haere atu ki te whare o Ihowa.
- 2
- E tu o matou waewae ki roto i ou tatau, e Hiruharama.
- 3
- Te hanganga o Hiruharama: rite tonu ki to te pa kua tuhonohonoa ki a ia ano.
- 4
- Haereere ana ki reira nga iwi, nga iwi o Ihowa, ki to Iharaira whakaaturanga, ki te whakawhetai ki te ingoa o Ihowa.
- 5
- Kua whakaturia hoki ki reira nga torona whakarite whakawa, nga torona o te whare o Rawiri.
- 6
- Inoia he marietanga mo Hiruharama: ka whai pai te hunga e aroha ana ki a koe.
- 7
- Kia mau te rongo ki roto ki ou taiepa, me te pai ki roto ki ou whare kingi.
- 8
- He mea mo aku teina, mo oku hoa, taku e mea nei, Kia mau te rongo ki roto ki a koe.
- 9
- He whakaaro ki te whare o Ihowa, o to tatou Atua, i rapu ai au i te pai mou.
Address: 
Phone: 
Email: