Psalms Chapter 124 - Paipera Tapu 1868 | Te Paipera Tapu 1868

Psalms Chapter 124 - Paipera Tapu 1868

1
(He waiata; he pikitanga. Na Rawiri.) Me kaua a Ihowa i a tatou, he kī tenei ma Iharaira:
2
Me kaua a Ihowa i a tatou, i te whakatikanga mai o te tangata ki a tatou;
3
Penei kua horomia oratia tatou e ratou i te muranga o ta ratou riri ki a tatou.
4
Kua ngaro tatou i nga wai, kua taupokina o tatou wairua e te ia.
5
Penei kua taupokina o tatou wairua e nga wai whakakake.
6
Kia whakapaingia a Ihowa kihai nei i tuku atu i a tatou hei ngaunga ma o ratou niho.
7
Kua mawhiti mai o tatou wairua, me te manu i roto i te mahanga a nga kai hopu; kua motu te mahanga, a mawhiti mai ana tatou.
8
Kei te ingoa o Ihowa he awhina mo tatou, kei te kai hanga i te rangi me te whenua.