Psalms Chapter 126 - Paipera Tapu 1868 | Te Paipera Tapu 1868

Psalms Chapter 126 - Paipera Tapu 1868

1
(He waiata; he pikitanga.) I ta Ihowa whakahokinga mai i nga pononga o Hiona i rite matou ki te hunga e moehewa ana.
2
Katahi to matou mangai ka ki i te kata, to matou arero hoki i te waiata: katahi ka korerotia i roto i nga tauiwi, He nui nga mahi a Ihowa ki a ratou.
3
He mea nui ā Ihowa i mea ai mo tatou, a e koa ana tatou.
4
E Ihowa, whakahokia atu matou i to whakaraunga: kia pera me nga awa o te tonga.
5
Te hunga e rui ana i runga i nga roimata ka kokoti i runga i te hari.
6
Te tangata e haere tangi atu ana me te kawe ano i nga purapura hei whakatokanga, he pono ka hoki hari mai ia me te kawe mai ano i ana paihere.