Psalms Chapter 13 - Paipera Tapu 1868

1: (Ki te tino kai whakatangi. He himene na Rawiri.) Kia pehea te roa o to warewarenga ki a au, e Ihowa? mo ake tonu atu ranei? kia pehea te roa o to hunanga i to mata ki a au?
2: Kia pehea te roa o taku whakaaroaronga i roto i toku wairua, o te pouri i roto i toku ngakau i tenei ra, i tenei ra? kia pehea te roa o te whakakake mai a toku hoa riri ki a au?
3: Titiro mai, whakahokia mai he kupu ki a au, e Ihowa, e toku Atua: whakamāramatia oku kanohi, kei moe ahau, kei mate.
4: Kei mea mai taku hoa riri, Kua taea ia e ahau: kei whakamanamana mai oku hoa riri, ina whakakorikoria ahau.
5: Ko ahau ia e whakawhirinaki atu ana ki tau mahi tohu: ka whakamanamana toku ngakau ki tau whakaoranga.
6: Ka waiata atu ahau ki a Ihowa, mona i atawhai mai ki a au.