- 1
- (Ki te tino kai whakatangi. Na Rawiri.) E mea ana te wairangi i roto i tona ngakau, Kahore he Atua. Kua hē ratou, he mea whakahouhou a ratou mahi, kahore tetahi e mahi ana i te pai.
- 2
- I titiro iho a Ihowa i te rangi ki nga tamariki a te tangata, kia kite me kahore tetahi e mahara ana, e rapu ana i te Atua.
- 3
- Kua peka ke katoa ratou, kua pirau tahi: kahore tetahi e mahi ana i te pai, kahore kia kotahi.
- 4
- E kore ranei e mohio nga kai mahi katoa o te kino? e kai nei i taku iwi, me te mea e kai taro ana, a kahore e karanga ki a Ihowa.
- 5
- Wehi noa iho ratou i reira: i roto hoki te Atua i te whakatupuranga o te hunga tika.
- 6
- Meinga ana e koutou te whakaaro o te hunga iti hei whakama, no te mea ko Ihowa tona piringa.
- 7
- Aue, me i puta mai te whakaoranga o Iharaira i Hiona! ka whakahokia mai e Ihowa tona iwi e whakaponongatia nei, ka whakamanamana a Hakopa, ka hari a Iharaira.
Address: 
Phone: 
Email: