- 1
- (He himene na Rawiri.) E Ihowa, e tangi atu nei ahau ki a koe; hohoro mai ki a au: whakarongo ki toku reo ua karanga atu ahau ki a koe.
- 2
- Kia whakatikaia atu taku inoi ki tou aroaro, hei whakakakara, te toronga atu hoki o oku ringaringa ano ko te whakahere o te ahiahi.
- 3
- Kia tiakina toku mangai, e Ihowa: tiakina te tatau o oku ngutu.
- 4
- Kaua e whakaangahia toku ngakau ki te mea kino, ki te mahi i nga mahi whakaaro-kore i roto i nga kai mahi i te kino: kaua ano hoki ahau e kai i ā ratou mea papai.
- 5
- Ma te tangata tika ahau e patu: he mahi aroha tena; mana ahau e riri; he hinu pai e kore ai toku upoko e ngawha: heoi ka inoi ano ahau ina he ratou.
- 6
- Ka turakina o ratou kai whakarite whakawa i nga wahi kohatu: e rongo ratou i aku kupu; e reka ana hoki.
- 7
- Kua titaritaria o matou wheua ki te waha o te rua tupapaku: me te mea e tātā ana, e wawahi ana te tangata i te wahie i runga i te whenua.
- 8
- Otiia e tau ana oku kanohi, e Ihowa, e te Ariki, ki a koe: kei a koe toku whakawhirinakitanga; kaua toku wairua e waiho pani.
- 9
- Tiakina ahau kei mau i nga mahatanga i whakatakotoria e ratou moku, i nga rore a nga kai mahi kino.
- 10
- Kia taka te hunga kino ki roto ki ā ratou kupenga: ko ahau ia mawhiti tonu ake.
Address: 
Phone: 
Email: