Psalms Chapter 146 - Paipera Tapu 1868 | Te Paipera Tapu 1868

Psalms Chapter 146 - Paipera Tapu 1868

1
Whakamoemititia a Ihowa. E toku wairua, whakamoemititia a Ihowa:
2
I a au e ora nei ka whakamoemititia a Ihowa; ka himene atu ahau ki toku Atua i a au ano i te ao nei.
3
Kei whakawhirinaki atu ki nga rangatira, ki te tama a te tangata, kahore nei ona kaha.
4
Te putanga atu o tona wairua, hoki ana ia ki tona oneone; kore iho ana whakaaro i taua ra pu ano.
5
Ka hari te tangata ko tona kai awhina ko te Atua o Hakopa: ko tana e tumanako atu ai ko Ihowa ko tona Atua.
6
Ko te kai hanga o te rangi, o te whenua, o te moana, me nga mea katoa o reira, e pupuri nei i te pono ake ake.
7
Ko ia nei te kai whakarite whakawa mo te hunga e tukinotia ana: ko ia hei whangai i te hunga mate hia-kai. Ko Ihowa hei wewete i nga herehere:
8
Ko Ihowa hei whakatitiro i nga matapo. Ko Ihowa hei whakaara i te hunga kua whakapikoa iho: e aroha ana a Ihowa ki te hunga tika.
9
Ko Ihowa hei tiaki i nga manene; ko ia hei tautoko i te pani, i te pouaru: ko te ara ia o te hunga kino, ka whakaparoritia e ia.
10
Ko Ihowa hei kingi ake ake, ae, tou Atua, e Hiona, tae noa atu ki nga whakatupuranga katoa: Whakamoemititia a Ihowa.