Psalms Chapter 23 - Paipera Tapu 1868 | Te Paipera Tapu 1868

Psalms Chapter 23 - Paipera Tapu 1868

1
(He himene na Rawiri.) Ko Ihowa toku hepara; e kore ahau e hapa.
2
Ko ia hei mea kia takoto ahau i nga wahi tarutaru hou: e arahi ana ia i a au i te taha o nga wai ata rere.
3
Ko ia hei whakahoki ake i toku wairua: e arahi ana ia i a au i nga ara o te tika, he whakaaro hoki ki tona ingoa.
4
Ae, ahakoa haere ahau i te awaawa o te atarangi o te mate, kahore he kino e wehi ai ahau: no te mea kei taku taha koe; ko to rakau ko to tokotoko ko ena hei oranga ngakau moku.
5
E takā ana e koe he tepara ki toku aroaro i te tirohanga a oku hoa riri, e whakawahia ana e koe toku mātenga ki te hinu, purena tonu taku kapa.
6
He pono e aru i a au te pai me te atawhai i nga ra katoa e ora ai ahau, a ka noho ahau ki te whare o Ihowa ake tonu atu.