- 1
- (He himene na Rawiri.) Hoatu ki a Ihowa, e te hunga nunui, hoatu ki a Ihowa te kororia me te kaha.
- 2
- Hoatu ki a Ihowa te kororia e rite ana mo tona ingoa, koropiko atu ki a Ihowa i roto i te ataahuatanga o te tapu.
- 3
- Kei runga te reo o Ihowa i nga wai: e papā ana te whatitiri a te Atua o te kororia: kei runga a Ihowa i nga wai maha.
- 4
- Kaha tonu te reo o Ihowa; kororia tonu te reo o Ihowa.
- 5
- Mongamonga noa nga hita i te reo o Ihowa; ina, mongamonga noa i a Ihowa nga hita o Repanona.
- 6
- Ko ia hei mea i a ratou kia mokowhiti, ano he kuao kau: a Repanona raua ko Hiriona, ano he kuao unikanga.
- 7
- E wehewehe ana te reo o Ihowa i nga mura ahi.
- 8
- Wiri ana te koraha i te reo o Ihowa: wiri ana i a Ihowa te koraha o Karehe.
- 9
- Whanau ana nga hāta i te reo o Ihowa, tihorea ana nga ngahere: e korerotia ana hoki tona kororia i tona temepara e nga tangata katoa.
- 10
- E noho ana a Ihowa i runga i te waipuke; ae, e noho ana a Ihowa hei Kingi ake ake.
- 11
- Ka homai e Ihowa he kaha ki tona hunga; he rongo mau ta Ihowa manaakitanga mo tona iwi.
Address: 
Phone: 
Email: