Psalms Chapter 4 - Paipera Tapu 1868 | Te Paipera Tapu 1868

Psalms Chapter 4 - Paipera Tapu 1868

1
(Ki te tino kai whakatangi Nekinoto. He himene na Rawiri.) Whakahokia mai he kupu ki a au, e te Atua o toku tika, ina karanga atu ahau: i a au i te pouri i whakanuia ahau e koe; kia atawhai koe ki a au, whakarongo mai ki taku inoi.
2
E nga tamariki a te tangata, kia pehea te roa o ta koutou meatanga i toku kororia hei whakama, o ta koutou arohatanga ki te horihori, o ta koutou whainga atu ki te teka? Hera.
3
Otiia kia mohio koutou he mea momotu ke na Ihowa te tangata tapu mana: e whakarongo a Ihowa ua karanga atu ahau ki a ia.
4
Kia oho koutou, a kaua e hara: korerorero iho koutou ki o koutou ngakau i runga i o koutou moenga, me te ata takoto ano. Hera.
5
Patua nga whakahere o te tika, me te okioki ano ki a Ihowa.
6
He tokomaha te mea ana, Ma wai e whakakite te pai ki a matou? Kia ara, e Ihowa, te māramatanga o to mata ki runga ki a matou.
7
Hira ake te hari i homai e koe ki roto ki toku ngakau i to te wa i hua ai a ratou witi, to ratou waina.
8
Ka takoto marire ahau, a moe tonu iho: ko koe anake hoki, e Ihowa, hei mea kia au taku noho.