- 1
- (Ki te tino kai whakatangi Maharata. He Makiri, Na Rawiri.) E mea ana te wairangi i roto i tona ngakau, Kahore he Atua. Kua pirau ratou, he kino whakahouhou ta ratou mahi; kahore tetahi e mahi ana i te pai.
- 2
- I titiro iho te Atua i te rangi ki nga tamariki a te tangata, kia kite me kahore tetahi e mahara ana, e rapu ana i te Atua.
- 3
- Kua hoki ki muri katoa ratou, kua pirau tahi: kahore tetahi e mahi ana i te pai, kahore kia kotahi.
- 4
- E kore ranei e mohio nga kai mahi o te kino? e kai nei i taku iwi, me te mea e kai taro ana; kahore e karanga ki te Atua.
- 5
- Wehi noa iho ratou i reira, i te wahi kahore he wehi, no te mea kua titaritaria e te Atua nga iwi o te tangata i whakapaea ai koe: kua whakama ratou i a koe; no te mea kua whakahaweatia ratou e te Atua.
- 6
- Aue, me i puta mai te whakaoranga o Iharaira i Hiona! ka whakahokia mai e te Atua tona iwi e whakaponongatia nei, ka whakamanamana a Hakopa, ka hari a Iharaira.
Address: 
Phone: 
Email: