- 1
- (Ki te tino kai whakatangi. He himene na Rawiri.) Whakarongo, e te Atua, ki toku reo ina inoi ahau, tiakina toku ora i te hoa riri e wehingia nei.
- 2
- Hunā ahau, kei taea e te whakaaro a te hunga kino, e te ngangau a nga kai mahi i te hara;
- 3
- E whakakoi nei i o ratou arero, ano he hoari, e whakatika nei i ā ratou pere, i nga kupu kino hoki,
- 4
- Hei koperenga pukutanga ma ratou ki te tangata tika; kitea rawatia ake kua kopere ki a ia kahore hoki he wehi.
- 5
- E whakamaia ana ratou i a ratou ano ki te mea kino; e runanga ana kia whakatakotoria pukutia nga rore, e mea ana, Ko wai e kite i a ratou?
- 6
- E rapu hara ana ratou; e ata rapua marietia ana: e hohonu ana hoki a roto me te ngakau o ia tangata, o ia tangata.
- 7
- Ma te Atua ia e kopere atu he pere ki a ratou: kitea rawatia ake kua tu.
- 8
- Na, ka taka iho i a ratou o ratou arero ki runga ki a ratou; a ka oma katoa te hunga e kite i a ratou.
- 9
- Ka wehi katoa ano hoki nga tangata, ka whakapuaki i te mahi a te Atua: ka ata maharatia hoki e ratou tana mahi.
- 10
- Ka koa te tangata tika ki a Ihowa, ka whakawhirinaki atu hoki ki a ia: ka whakamanamana ano te hunga ngakau tika katoa.
Address: 
Phone: 
Email: