- 1
- (He himene na Ahapa.) E tu ana te Atua i roto i te whakaminenga o te hunga nunui, e whakarite whakawa ana i waenganui i nga atua.
- 2
- Kia pehea ake te roa o ta koutou whakarite hē i te whakawa, o ta koutou whakapai atu ki nga kanohi o te hunga kino. Hera.
- 3
- Whakatikaia ta te ware, ta te pani: kia tika te whakariterite mo te ngakau mamae, mo te rawa-kore.
- 4
- Whakaorangia te ware me te rawa-kore; araia atu i a ratou te ringaringa o te hunga kino.
- 5
- Kahore o ratou matauranga, kahore hoki ratou e mahara; e haere ana ratou i te pouri: e oioi ana nga turanga katoa o te whenua.
- 6
- I mea ahau, He atua koutou, he tamariki katoa na te Runga-rawa.
- 7
- Otira ka pera koutou me te tangata, ka mate; ka hinga, ka pera me tetahi o nga piriniha.
- 8
- E ara, e te Atua whakawakia te whenua: mou hoki nga tauiwi katoa.
Address: 
Phone: 
Email: