- 1
- Te tangata kei te wahi ngaro o te Runga-rawa tona kāinga, ka noho ia i raro i te taumarumarutanga o te Kaha-rawa.
- 2
- Ka kiia e ahau a Ihowa, Ko ia toku piringa, me toku pa, toku Atua, ka whakawhirinaki atu ahau ki a ia.
- 3
- He pono mana koe e whakaora i te mahanga a te kai hopu manu, i te mate nanakia.
- 4
- Ka hipokina koe e ia ki ona hou, a ka piri koe ki raro i ona pakau: ko tana pono hei puapua mou, hei whakangungu rakau.
- 5
- E kore koe e wehi i te mea whakamataku i te po: i te pere e rere ana i te awatea.
- 6
- I te mate uruta e rere ana i te pouri: i te whakangaromanga e whakangaro ana i te poutumarotanga.
- 7
- He mano te hinga ki tou taha, tekau hoki nga mano ki tou ringa matau; heoi e koro e tata ki a koe.
- 8
- Ka titiro kau atu ou kanohi: ka matakitaki ki te utu mo te hunga kino.
- 9
- No te mea kua waiho e koe a Ihowa toku piringa nei, te Runga-rawa, hei nohoanga mou.
- 10
- Kahore he kino e pa ki a koe, kahore ano hoki he whiunga e tata ki tou whare.
- 11
- Ka korerotia iho hoki koe e ia ki ana anahera kia tiakina koe i o ara katoa.
- 12
- Ma ratou koe e hiki ake ki o ratou ringaringa, kei tūtuki tou waewae ki te kohatu.
- 13
- Ka haere koe i runga i te raiona, i te neke, ka takahi ki runga i te kuao raiona, i te tarakona.
- 14
- Ka whakaora au i a ia, mona i aroha mai ki a au; maku ia e whakateitei ake, mona i matau ki toku ingoa.
- 15
- Ka karanga mai ia ki a au, a ka whakahoki kupu atu ahau ki a ia: ka tata au ki a ia i te wa o te he; maku ia e whakaora, maku ano hoki ia e whakahonore.
- 16
- Ka whakaroaina e ahau ona ra, a na noa ia: ka whakakitea hoki taku whakaoranga ki a ia.
Address: 
Phone: 
Email: