- 1
- Na, ka whakakitea mai e ia ki a au he awa mārama he wai ora, e piata ana me te karahi, e puta mai ana i te torona o te Atua raua ko te Reme.
- 2
- I waenganui o tona huarahi o te awa ano hoki, i tetahi taha i tetahi taha, te rakau o te ora, kotahi tekau ma rua ona hua, e hua ana ona hua i tetahi marama tetahi marama: a ko nga rau o te rakau hei whakaoranga mo nga tauiwi.
- 3
- A kore ake he kanga i muri nei: ko reira ano hoki te torona o te Atua raua ko te Reme; a ka mahi āna pononga ki a ia:
- 4
- E kite hoki ratou i tona kanohi; ka mau hoki tona ingoa i o ratou rae.
- 5
- Kore ake hoki o reira po; kore ake o ratou meatanga ki te rama, ki te māramatanga hoki o te ra; e mārama hoki ratou i te Ariki i te Atua: a e kingi ratou, ake ake ake.
- 6
- I mea mai ano ia ki a au, E pono ana e tika ana enei kupu: a kua tonoa e te Ariki e te Atua o nga poropiti tapu tana anahera, hei whakakite mai ki ana pononga i nga mea ka hohoro nei te meinga.
- 7
- Na, ka hohoro taku haere atu: ka hari te tangata e whakarite ana i nga kupu o te poropititanga o tenei pukapuka.
- 8
- A i kite ano ahau a Hoani i rongo i enei mea. A toku rongonga toku kitenga, ka hinga ahau ki raro ka mea kia koropiko ki mua i nga waewae o te anahera i whakakitea mai ai enei mea ki a au.
- 9
- Na, ko tana meatanga mai ki a au, Kauaka: he hoa pononga hoki ahau nou, no ou tuakana hoki no nga poropiti, no te hunga ano e pupuri ana i nga kupu o tenei pukapuka: me koropiko ki te Atua.
- 10
- Ka mea mai ano ia ki a au, Kaua e hiritia nga kupu o te poropititanga o tenei pukapuka: e tata ana hoki te taima.
- 11
- Te tangata e hē ana te whakahaere, kia hē ano te whakahaere: te tangata e poke ana, kia poke ano ia: te tangata e tika ana, kia tika ano ia: te tangata e tapu ana, kia tapu ano ia.
- 12
- Na, ka hohoro taku haere atu; kei a au ano taku utu, a ka rite ki ana mahi ake nga mea e hoatu ki tetahi ki tetahi.
- 13
- Ko ahau te Arepa me te Omeka, te timatanga me te whakamutunga, te tuatahi me te whakaotinga.
- 14
- Ka hari te hunga e mahi ana i ana ture, ka taunga hoki ratou ki te rakau o te ora, ka tomo ano ki te pa ra nga tatau.
- 15
- Kei waho nga kuri, me te hunga makutu, me te hunga puremu, me nga kai kohuru, me te hunga karakia ki te whakapakoko, me te hunga katoa e pai ana e mahi ana i te teka.
- 16
- Kua tonoa e ahau e Ihu taku anahera, hei whakaatu atu i enei mea ki a koutou i roto i nga hahi. Ko ahau te pakiaka me te uri o Rawiri, te whetu mārama o te ata.
- 17
- E mea ana hoki te Wairua me te wahine marena hou, Haere mai. Me ki ake ano e te tangata e rongo ana, Haere mai. Kia haere mai hoki te tangata e hiainu ana: kia tangohia noatia ano te wai ora e te tangata e hiahia ana.
- 18
- He whakaatu hoki naku tenei ki te hunga katoa e rongo ana ki nga kupu o te poropititanga o tenei pukapuka, Ki te tapiritia mai e tetahi ki enei mea, ka tapiritia atu ano e te Atua mona nga whiu kua oti te tuhituhi ki tenei pukapuka:
- 19
- A ki te tangohia atu e tetahi he kupu i te pukapuka o tenei poropititanga, ka tangohia e te Atua tona wahi i roto i te pukapuka o te ora, i te pa tapu hoki, i nga mea hoki kua oti te tuhituhi ki tenei pukapuka.
- 20
- Tenei te ki nei te Kai whakaatu o enei mea, Na, ka hohoro ano taku haere atu. Amine. Ae ra, haere mai, e te Ariki e Ihu.
- 21
- Kia tau ki a koutou katoa te atawhai o to tatou Ariki o Ihu Karaiti. Amine.
Address: 
Phone: 
Email: