- 1
- He aha ra, ki ta tatou, te mea i riro mai i a Aperahama i to tatou matua, i runga i te kikokiko?
- 2
- Me he mea hoki na nga mahi i tika ai a Aperahama, he mea tana e whakamanamana ai ia; otira kahore i to te Atua aroaro.
- 3
- E pehea ana hoki te Karaipiture? I whakapono a Aperahama ki te Atua, a ka whakairia mai hei tika mona.
- 4
- Na, he tangata e mahi ana, e kore e kiia te utu mona he mea aroha noa, engari he mea mo tana.
- 5
- Tena he tangata kahore e mahi, engari e whakapono ana ki te kai whakatika i te tangata karakia kore, ka whakairia tona whakapono hei tika.
- 6
- Pera hoki me ta Rawiri i ki ai mo te hari o te tangata, ka whakairia nei e te Atua he tika ki a ia, motu ke i nga mahi,
- 7
- Ka hari te hunga kua oti ā ratou mahi tutū te muru, o ratou hara te hipoki:
- 8
- Ka hari te tangata e kore nei e whakairia e te Ariki he hara ki a ia.
- 9
- Na, tenei haringa, mo te kotinga ranei, mo te kotinga kore ranei? e mea ana hoki tatou, I whakairia te whakapono hei tika mo Aperahama.
- 10
- He pehea te whakairinga? i a ia i te kotinga, i te kotinga kore ranei? He teka i a ia i te kotinga, engari i te kotinga kore.
- 11
- A riro mai ana i a ia te kotinga hei tohu, hei hiri mo te tika i ra runga mai i tona whakapono, i te mea kahore ia i kotia; kia waiho ai ia hei matua ki te hunga katoa e whakapono ana i runga i te kotinga kore; ara kia whakairia ai ano hoki te tika ki a ratou:
- 12
- Hei matua ano hoki ki te kotinga, ki te hunga ehara i te mea ko te kotinga anake to ratou, engari e takahi ana hoki i runga i nga tapuae o taua whakapono o to tatou matua o Aperahama, i a ia kahore ano i kotia.
- 13
- Te kupu hoki ki a Aperahama ratou ko ona uri mo te ao ka riro i a ia kihai i na runga mai i te ture; engari i na runga i te tika o te whakapono.
- 14
- Ki te mea hoki ka riro i te hunga ture, kua tikanga-kore te whakapono, kua taka te kupu whakaari:
- 15
- Ta te ture hoki e mahi ai, he riri: me he mea hoki kahore he ture, kahore he hara.
- 16
- Koia i na rototia ai i te whakapono, kia waiho ai ma te aroha noa; kia u ai te kupu whakaari ki te whanau katoa; ehara i te mea ki to te ture anake, engari ki to te whakapono o Aperahama; ko ia nei hoki te matua o tatou katoa,
- 17
- (Ko te mea hoki ia i tuhituhia, Kua waiho koe e ahau hei matua ki nga iwi maha,) i te aroaro o tana i whakapono ai, o te Atua e whakaora nei i nga tupapaku, e karanga nei i nga mea kahore i konei me te mea kei konei nei ano.
- 18
- Ahakoa kahore nei he rawa, u tonu tona manakonako ki a ia ka meinga hei matua mo nga iwi maha, ki te mea i korerotia, Ka penei tou whanau.
- 19
- Kihai ano hoki i ngoikore tona whakapono, kihai ia i mahara iho ki tona tinana kua tupapakutia noatia ake, (wahi iti nei hoki kua kotahi rau ona tau,) ki te tupapakutanga hoki o te kopu o Hera:
- 20
- Heoi kihai ia i ruarua, i whakateka ki ta te Atua kupu whakaari; engari kaha tonu tona whakapono, whakakororia ana ia ki te Atua;
- 21
- U tonu hoki tana whakaaro e taea e ia te mea tana i korero mai ai.
- 22
- Koia hoki i whakairia ai ki a ia hei tika.
- 23
- Otira ehara i te mea he whakaaro ki a ia anake i tuhituhia ai taua whakairinga ki a ia;
- 24
- Engari ki a tatou ano hoki; ka whakairia hoki ki a tatou, ki te whakapono ki te kai whakaara i a Ihu i to tatou Ariki i te mate:
- 25
- I tukua nei mo o tatou he, i whakaarahia ano hoki mo tatou kia whakatikaia.
Address: 
Phone: 
Email: