- 1
- I muri iho i tenei mea ka whakanuia e Kingi Ahahueruha a Hamana tama a Hamerata Akaki, hapainga ana ia ki runga, whakanekehia ake ana tona torona ki runga ake i o nga rangatira katoa e noho ana i a ia.
- 2
- Na, kei te tuohu, kei te koropiko ki a Hamana nga tangata katoa a te kingi i te kuwaha o te kingi; ko ta te kingi whakahau hoki tena mona. Ko Mororekai ia kihai i tuohu, kihai i piko.
- 3
- Na, ko te meatanga mai a nga tangata a te kingi i te kuwaha o te kingi ki a Mororekai, He aha koe i takahi ai i ta te kingi whakahau?
- 4
- Korero noa ratou ki a ia i ia rangi, i ia rangi, heoi kihai ia i whakarongo ki a ratou. Na, korerotia atu ana e ratou ki a Hamana, kia kitea ai e u ranei nga mea a Mororekai. I whakaaturia mai hoki e ia ki a ratou he Hurai ia.
- 5
- A, te kitenga o Hamana kihai a Mororekai i tuohu, kihai i piko ki a ia, na, ki tonu a Hamana i te riri.
- 6
- I whakaparahako ano ia tana whakaaro ki te whakapa i te ringa ki a Mororekai anake, kua oti hoki te korero ki a ia te iwi o Mororekai; na, ka whai a Hamana kia whakangaromia nga Hurai katoa i te kingitanga katoa o Ahahueruha, ara, te iwi o Mororekai.
- 7
- I te marama tuatahi, ara, i a Marama Nihana, i te tekau ma rua o nga tau o Kingi Ahahueruha, ka makā e ratou te Puri, ara, te rota ki te aroaro o Hamana i tenei ra, i tenei ra, i tenei marama, i tenei marama, a, te tekau ma rua ra ano, ara, a Marama Arara.
- 8
- Na, ko te meatanga atu a Hamana ki a Kingi Ahahueruha, Kotahi tenei iwi he mea pakarukaru, marara noa atu i roto i nga iwi o nga kawanatanga katoa o tou kingitanga, a, e rere ke ana a ratou ture i a nga iwi katoa; kahore hoki ratou e whakarite i nga ture a te kingi. Na, ehara i te mea pai mo te kingi kia tukua ta ratou.
- 9
- Ki te mea e pai ana ki ta te kingi, me tuhituhi atu kia whakangaromia ratou, a, kia kotahi mano taranata hiriwa, e paunatia atu e ahau ki nga ringa o nga kai mahi i tenei mahi, kia kawea mai ki nga whare taonga a te kingi.
- 10
- Katahi ka unuhia mai e te kingi tona mowhiti i tona ringa, a, hoatu ana ki a Hamana tama a Hamerata Akaki, ki te hoa riri o nga Hurai.
- 11
- I mea mai ano te kingi ki a Hamana, Me hoatu te hiriwa ki a koe, me te iwi ano, kia meatia ki a ratou nga mea e pai ana ki tau titiro.
- 12
- Na, ka karangatia nga karaipi a te kingi i te tahi tekau ma toru o nga ra o te tahi o nga marama, a ka tuhituhia nga mea katoa i whakahaua e Hamana ki nga kawana a te kingi, ratou ko nga kawana iti o tenei kawanatanga, o tenei kawanatanga, ki nga rangatira ano hoki o tenei iwi, o tenei iwi, o tenei kawanatanga, o tenei kawanatanga, he mea whakarite ki to reira tuhituhi, ki tenei iwi, ki tenei iwi, he mea whakarite ki to reira reo; i tuhituhia i runga i te ingoa o Kingi Ahahueruha, hīri rawa ki te mowhiti a te kingi.
- 13
- Na, ka tukua nga pukapuka kia kawea e nga kai kawe pukapuka ki nga kawanatanga katoa o te kingi, kia whakangaromia, kia patua, kia hunā nga Hurai katoa, te taitamariki, me te koroheke, nga kohungahunga, me nga wahine, kia kotahi tonu te rangi, i te tekau ma toru o nga ra o te tekau ma rua o nga marama, ara, o Marama Arara; kia pahuatia ano hoki o ratou taonga.
- 14
- I whakakitea nuitia ki nga iwi katoa nga korero i tuhituhia mo te ture kia hoatu ki nga kawanatanga katoa, kia tatanga ai ratou i taua ra.
- 15
- Haere ana nga kai kawe pukapuka, he mea whakahohoro e te kupu a te kingi, i hoatu ano te ture i Huhana i te whare kingi. Na, noho ana te kingi raua ko Hamana ki te inu; raruraru tonu ia te pa a Huhana.
Address: 
Phone: 
Email: