- 1
- Ta eperaima kai ko te hau, e whaia ana e ia te marangai: i nga ra katoa e whakanuia ana e ia te teka me te whakangaromanga; e whakarite ana hoki ratou i te kawenata ki te Ahiriana, e kawea ana hoki he hinu ki Ihipa.
- 2
- He whakawa ano hoki ta Ihowa ki a Hura, ka utaina ano e ia ki runga ki a Hakopa nga mea e rite ana ki ana ara; ka rite ki ana mahi tana utu ki a ia.
- 3
- I hopukia atu e ia te rekereke o tona tuakana i roto i te kopu, na tona kaha ano hoki i kaha ai ia ki te Atua.
- 4
- I kaha ano hoki ia ki te anahera, a i a ia te mutunga: tangi ana ia, inoi ki a ia, i tutaki ia ki a ia ki Pete-ere, a korero ana ia ki a tatou ki reira;
- 5
- Ara, a Ihowa Atua o nga mano; ko Ihowa tona maharatanga.
- 6
- Na, tahuri atu ki tou Atua, puritia te mahi tohu me te tika, tatari tonu ano hoki ki tou Atua.
- 7
- He kai hokohoko ia, kei tona ringa te pauna tinihanga: e aroha ana ia ki te tukino.
- 8
- I mea ano a Eperaima, He ahakoa ra kua whai taonga ahau, kua kitea e ahau he rawa moku: i aku mahinga katoa e kore e kitea e ratou he kino, ara, he hara i roto i a au.
- 9
- Na, ahau nei, a Ihowa tou Atua no te whenua o Ihipa mai ra ano, tenei ake ka meinga ano koe e ahau kia noho ki roto ki nga tapenakara, kia pera ano me to nga ra hakari nui.
- 10
- I meinga ano e ahau nga poropiti hei korero i aku korero, i whakamahā ano hoki e ahau nga whakakitenga, he tohu whakarite ano hoki aku, he mea mahi na nga poropiti.
- 11
- He hē ranei to Kireara? na, he mea teka ratou, e patu kau ana ratou ki Kirikara; ina, e rite ana a ratou aata ki nga puranga i nga moa o nga mara.
- 12
- I rere ano a Hakopa ki te whenua o Hiria, i mahi ano hoki a Iharaira hei utu hoa; hei utu hoa mona i tiaki hipi ai ia.
- 13
- Na Ihowa ano hoki i mea kia kawea mai a Iharaira i Ihipa e te poropiti; na te poropiti ano hoki ia i ora ai.
- 14
- I whakapataritari a Eperaima ki a ia, kawa rawa: mo reira ka waiho e ia ona toto i runga i a ia, ka meinga ano hoki tona ingoa kino e tona Ariki kia hoki atu ki a ia.
Address: 
Phone: 
Email: