- 1
- A i korero mai ano a Ihowa ki a Mohi, i mea,
- 2
- Whakahau atu ki nga tamariki a Iharaira, mea atu ki a ratou, Kia mau ki taku whakahere, ki taku taro mo aku whakahere ahi, hei kakara reka ki a au, kia whakaherea mai ki a au i tona wa e tika ai.
- 3
- Me ki atu hoki e koe ki a ratou, Ko te whakahere ahi tenei e whakahere ai koutou ki a Ihowa; kia rua nga reme, ki te tau-tahi, ki nga mea koha-kore, me mea tonu hei tahunga tinana i tenei ra i tenei ra.
- 4
- Ko tetahi reme me tuku e koe i te ata, ko te rua hoki o nga reme me tuku e koe i te ahiahi;
- 5
- Me te wahi whakatekau o te epa paraoa, hei whakahere toto-kore, he mea konatunatu ki te wahi whakawha o te hine hinu, o te mea i patua.
- 6
- Ka tuturu tenei hei tahunga tinana, ko te mea hoki i whakaritea ki Maunga Hinai hei kakara reka, hei whakahere ahi ki a Ihowa.
- 7
- A hei te wahi whakawha o te hine he ringihanga mo te reme kotahi: me mea e koe kia ringihia te waina kaha ki te wahi tapu hei ringihanga ki a Ihowa.
- 8
- A me tuku e koe tetahi reme i te ahiahi: kia rite ki to te whakahere toto-kore o te ata, ki to tona ringihanga hoki, tau tukunga i tena mea hei whakahere ahi, hei kakara reka ki a Ihowa.
- 9
- A i te ra hapati kia rua nga reme, ki te tau-tahi, ki nga mea koha-kore, kia rua hoki nga whakatekau paraoa, hei whakahere toto-kore, ki te mea i konatunatua ki te hinu, me tona ringihanga ano:
- 10
- Ko te tahunga tinana tenei mo nga hapati katoa: tera ano hoki te tahunga tinana, te mea tuturu, me tona ringihanga.
- 11
- I nga timatanga ano hoki o o koutou marama me whakahere e koutou he tahunga tinana ki a Ihowa; kia rua nga puru, ki te kuao, kia kotahi hoki te hipi toa, kia whitu nga reme, ki te tau-tahi, ki nga mea koha-kore.
- 12
- Kia toru hoki nga wahi whakatekau o te paraoa hei whakahere toto-kore, ki te mea i konatunatua ki te hinu, mo te puru kotahi; kia rua hoki nga wahi whakatekau o te paraoa, hei whakahere toto-kore, ki te mea i konatunatua ki te hinu, mo te hipi kotahi.
- 13
- Me te wahi whakatekau o te paraoa mo tenei reme mo tenei reme, hei whakahere toto-kore, ki te mea i konatunatua ki te hinu; hei tahunga tinana e reka ana te kakara, hei whakahere ahi ki a Ihowa.
- 14
- A ko nga ringihanga o aua mea kotahi hawhe hine waina mo te puru kotahi, ko te wahi whakatoru o te hine mo te hipi, me te wahi whakawha o te hine mo te reme: ko te tahunga tinana tenei o tenei marama o tenei marama, puta noa i nga marama o te tau.
- 15
- Kia kotahi ano hoki kuao koati e tukua hei whakahere hara ki a Ihowa: tera ano hoki te tahunga tinana, te mea tuturu, me tona ringihanga ano.
- 16
- Kei te marama tuatahi, kei te tahi tekau ma wha o nga ra o te marama, te kapenga a Ihowa.
- 17
- Kei te tahi tekau hoki ma rima o nga ra o tenei marama te hakari: e whitu nga ra e kainga ai te taro rewena-kore.
- 18
- Hei te ra tuatahi te huihuinga tapu: kaua tetahi mahi a te kai mahi e mahia e koutou i reira:
- 19
- Engari me whakahere e koutou he whakahere ahi hei tahunga tinana ki a Ihowa; kia rua nga puru, ki te kuao, kia kotahi hipi toa, kia whitu hoki nga reme kotahi nei te tau: hei nga mea koha-kore nga mea ma koutou:
- 20
- A hei te paraoa i konatunatua ki te hinu he whakahere toto-kore mo ena mea: kia toru nga wahi whakatekau e tukua e koutou mo te puru, kia rua hoki nga whakatekau mo te hipi;
- 21
- Me tuku e koe he wahi whakatekau mo tenei reme mo tenei reme, puta noa atu i nga reme e whitu:
- 22
- Kia kotahi ano hoki koati hei whakahere hara, hei mea whakamarietanga mo koutou.
- 23
- Hei tapiri enei e tukua nei e koutou mo te tahunga tinana o te ata; hei tahunga tinana tuturu hoki tena.
- 24
- Kia penei tonu i tenei ra i tenei ra, puta noa i nga ra e whitu, ta koutou tukunga i te kai o te whakahere ahi, hei kakara reka ki a Ihowa: hei tapiri mai mo te tahunga tinana tūturu te tukunga o tena mea me tona ringihanga.
- 25
- A kei te ra whitu he huihuinga tapu ma koutou; kaua tetahi mahi a te kai mahi e mahia e koutou i reira.
- 26
- Ko a te ra ano hoki o te tuapora, ina whakaherea e koutou he whakahere toto-kore hou ki a Ihowa i muri iho i o koutou wiki he huihuinga tapu ma koutou: kaua tetahi mahi a te kai mahi e mahia e koutou i reira.
- 27
- Engari me whakahere e koutou te tahunga tinana hei kakara reka ki a Ihowa; kia rua nga puru, ki te kuao, kia kotahi hipi toa, kia whitu nga reme kotahi nei o ratou tau;
- 28
- Me te whakahere toto-kore o aua mea he paraoa i konatunatua ki te hinu, kia toru nga wahi whakatekau mo te puru kotahi, kia rua nga wahi whakatekau mo te hipi kotahi,
- 29
- Hei te wahi whakatekau mo tenei reme mo tenei reme, puta noa i nga reme e whitu;
- 30
- Kia kotahi kuao koati hei mea whakamarietanga mo koutou.
- 31
- Me tuku enei e koutou hei tapiri mo te tahunga tinana tuturu me tona whakahere toto-kore, (hei nga mea koha-kore nga mea ma koutou,) me nga ringihanga ano hoki o aua mea.
Address: 
Phone: 
Email: