1st Chronicles Chapter 5 - Paipera Tapu 1868 | Te Paipera Tapu 1868

1st Chronicles Chapter 5 - Paipera Tapu 1868

1
Na, nga tamariki a Reupena a te matamua a Iharaira (ko te matamua hoki ia, na, i te mea ka whakapokea e ia te moenga o tona pāpā, ka hoatu tona matamuatanga ki nga tama a Hohepa, tama a Iharaira; a, ekore te whakapapa e timata i te matamua.
2
I nui ake hoki a Hura i ona tuakana, teina, he uri hoki nona te tino rangatira: i a Hohepa ia te matamuatanga):
3
Nga tamariki a Reupena matamua a Iharaira; ko Enoka, ko Paru, ko Heterono, ko Karami.
4
Nga tama a Hoere; ko Hemaia ko tana tama; tana tama, ko Koko; tana tama ko Himei,
5
Tana tama, ko Mika; tana tama, ko Reaia; tana tama, ko Paara;
6
Tana tama ko Peeraha, tera hoki i riro pārau i a Tirikatapirinehere kingi o Ahiria; he rangatira ia no nga Reupeni.
7
Na, ona teina, me o ratou hapu, i te mea ka whakapapā o ratou whakatupuranga, ko ratou nga tino rangatira, ko Teiere, ko Hakaraia,
8
Ko Pera tama a Atata, tama a Hema, tama a Hoere, i noho nei ki Aroere, a tae noa ki Nepo, ki Paara-meono;
9
I nohoia ano hoki e ia te taha ki te rawhiti, tae noa ki te koraha e takoto mai ana i Awa Uparati: no te mea i nui haere a ratou kararehe ki te whenua o Kireara.
10
Na, i nga ra o Haora ka whawhaitia e ratou nga Hakari, a hinga ana ratou i o ratou ringa, noho ana ratou ki o ratou teneti puta noa i te whenua katoa o Kireara ki te rawhiti.
11
Kei te ritenga mai o to ratou te nohoanga o nga tamariki a Kara i te whenua o Pahana, tae noa ki Hareka:
12
Ko Hoere te upoko, muri iho ko Hapana, ko Taanai, ko Hapata i Pahana.
13
Na, o ratou teina o te whare o o ratou mātua, ko Mikaera, ko Mehurama, ko Hepa, ko Torai, ko Takana, ko Tia, ko Epere, tokowhitu.
14
Ko nga tamariki enei a Apihaira tama a Huri, tama a Taroa, tama a Kireara, tama a Mikaera, tama a Tehihai, tama a Taharo, tama a Putu;
15
Ko Ahi tama a Apariere, tama a Kuni; ko te upoko ia o te whare o o ratou mātua.
16
A, noho ana ratou ki Kireara o Pahana me ona pa ririki, ki nga taha katoa ano hoki o Harono, ki o ratou taha ki waho.
17
He mea whakapapa enei katoa i nga ra o Iotama kingi o Hura, i nga ra ano hoki o Ieropoama kingi o Iharaira.
18
Nga tamariki a Reupena, ratou ko nga Kari ko tetahi tānga o te hapu o Manahe, no te hunga toa, he hunga hapai i te whakangungu rakau, i te hoari, he hunga kopere i te kopere, e mohio ana hoki ki te whawhai, e wha tekau ma wha mano e whitu rau e ono tekau taua hunga i haere ki te whawhai.
19
I whawhai hoki ratou ki nga Hakari, ki Ieturu, ki Napihi, ki Norapa.
20
I awhinatia mai ano hoki ratou ki te whawhai ki a ratou, a ka homai nga Hakari ki o ratou ringaringa, ratou ko o ratou hoa katoa: i karanga hoki ratou ki te Atua i te whawhaitanga, a tahuri mai ana ia ki a ratou; mo ratou i whakawhirinaki atu ki a ia.
21
I riro mai ano hoki i a ratou a ratou kararehe, a ratou kamera e rima tekau nga mano, nga hipi e rua rau e rima tekau nga mano, nga kaihe e rua nga mano, nga tangata kotahi rau mano.
22
He tokomaha hoki i hinga, he mea mate rawa: na te Atua hoki te whawhai; noho ana ratou ki to ratou wahi, a taea noatia te whakaraunga.
23
I noho ano nga tamariki o tetahi tānga o te hapu o Manahe ki te whenua. I tini haere ano ratou ki Pahana a tae noa ki Paara-heremona, ki Heniri, ki Maunga Heremona ano hoki:
24
Na, ko nga upoko enei o te whare o o ratou mātua; ko Epere, ko Ihi, ko Eriere, ko Atariere, ko Heremaia, ko Horawia, ko Tahariere, he hunga nunui, he marohirohi, he hunga ingoa nui, he upoko ano hoki no te whare o o ratou mātua.
25
Na, kua he ratou ki te Atua o o ratou mātua, kua whai atu, kua puremu atu ki nga atua o nga iwi o te whenua i hunā nei e te Atua i mua i a ratou.
26
Na, ka whakaohokia mai e te Atua o Iharaira te wairua o Puru kingi o Ahiria, te wairua hoki o Tirikatapirinehere kingi o Ahiria, a whakaraua atu ana ratou e ia, ara, nga Reupeni, nga Kari, me tetahi tānga o te hapu o Manahe, a kawea ana ratou e ia ki Haraha, ki Haporo, ki Hara, ki Awa Kotana, a taea noatia tenei ra.