- 1
- Te mea o te timatanga, ta matou i rongo ai, ta o matou kanohi i kite ai, ta matou i titiro atu ai, ta o matou ringaringa i whāwhā atu ai, nga mea o te Kupu o te ora;
- 2
- (I whakakitea mai hoki te ora, a kite ana matou, na, ka whakaatu nei, ka kauwhau nei ki a koutou i te ora tonu, i tera i te Matua i mua, a kua whakakitea mai nei ki a matou;)
- 3
- Ko ta matou ra i kite ai i rongo ai e kauwhautia atu nei e matou ki a koutou, kia uru tahi ai koutou me matou: na, ka uru tahi nei matou ki te Matua, ki tana Tama hoki ki a Ihu Karaiti.
- 4
- Na, ka tuhituhia atu nei enei mea e matou ki a koutou, kia tino nui ai to koutou hari.
- 5
- Ko te korero ano tenei i rongo ai matou ki a ia, a ka korerotia atu e matou nei ki a koutou, na, he māramatanga te Atua, kahore rawa hoki he pouri i roto i a ia.
- 6
- Ki te mea tatou ka uru tahi tatou ki a ia, me te haere ano tatou i te pouri, e korero teka ana tatou, ehara hoki i te pono ta tatou e mahi nei:
- 7
- Ki te haere ia tatou i te māramatanga, me ia hoki e noho nei i te māramatanga, na, ka whiwhi tahi tatou tetahi ki ta tetahi, a e horoia ana o tatou hara e nga toto o Ihu Karaiti o tana Tama.
- 8
- Ki te mea tatou kahore o tatou hara, e whakapohehe ana tatou i a tatou ano, a kahore te pono i roto i a tatou.
- 9
- Ki te whaki tatou i o tatou hara, e pono ana ia e tika ana, a ka murua e ia o tatou hara, ka horoia hoki o tatou hē katoa.
- 10
- Ki te mea tatou kahore tatou i hara, ka meinga ia he kai korero teka, a kahore tana kupu i roto i a tatou.
Address: 
Phone: 
Email: