- 1
- Na Pita, na te Apotoro a Ihu Karaiti, ki nga konene e noho manene ana ki Ponoto, ki Karatia, ki Kaparokia, ki Ahia, ki Pitinia,
- 2
- He hunga kua oti te whiriwhiri, te pera ano me ta te Atua Matua i mātau ai i mua, i runga i te whakatapunga a te Wairua, kia ngohengohe kia tāuhiuhia ki nga toto o Ihu Karaiti: Kia whakanuia ki a koutou te aroha noa, me te rangimarie.
- 3
- Kia whakapaingia te Atua te Matua o to tatou Ariki o Ihu Karaiti, nāna nei, na tana mahi tohu e nui nei, tatou i whanau hou ai ki te tumanakotanga ora, i a Ihu Karaiti ka ara ake nei i te mate,
- 4
- Ki te kāinga kahore ona pirau, kahore ona poke, e kore ano hoki e memeha, e puritia mai nei i te rangi mo koutou,
- 5
- Mo te hunga e tiakina nei e te kaha o te Atua i runga i te whakapono, kia taea ra ano te whakaoranga kua rite noa ake nei, a ka whakakitea i te wa whakamutunga.
- 6
- Nui atu nei to koutou koa ki tenei, i te mea ka pouri nei koutou, he tikanga hoki kua oti te whakatakoto mo tetahi wa iti, i te maha o nga whakamatautauranga:
- 7
- Na, te whakamatautauranga o to koutou whakapono, nui atu tona pai i to te koura ka pirau nei, ae ra i te mea kua oti te whakamatautau ki te kapura, a ka kitea tona tukunga iho, he whakamoemiti, he honore, he kororia, i te whakakitenga mai o Ihu Karaiti:
- 8
- Kahore nei ia e kitea e koutou, heoi e arohaina ana e koutou; ahakoa kahore koutou e kite inaianei, heoi i a koutou ka whakapono nei ki a ia, nui atu te koa, he koa kororia, e kore e taea te korero:
- 9
- I te mea ka whiwhi nei koutou ki te tukunga iho o to koutou whakapono, ki te whakaoranga o nga wairua.
- 10
- Taua whakaoranga, he mea ata rapu he mea whakataki iho na nga poropiti, i poropititia ai te aroha noa, ara, tenei i a koutou nei:
- 11
- I a ratou i rapu ko tehea wa, he wa pehea hoki, ta te Wairua o te Karaiti i roto i a ratou i whakapuaki ai, i a ia e whakaatu ana i mua i nga mamae o te Karaiti, i te kororia ano hoki o muri iho.
- 12
- I whakakitea mai nei ano ki a ratou, ehara i te mea mo ratou ake, engari mo tatou, nga mea i minitatia ra e ratou, kua korerotia nei hoki ki a koutou inaianei e te hunga i kauwhautia ai te rongo pai ki a koutou, he meatanga na te Wairua Tapu i tonoa mai nei i te rangi; aua mea ano, hiahia tonu nga anahera kia matakitakina iho e ratou.
- 13
- Na, whitikiria nga hope o o koutou hinengaro, kia mataara, tumanako atu, a taea noatia te mutunga, ki te aroha noa e kawea mai ki a koutou i te whakakitenga mai o Ihu Karati;
- 14
- Kia rite ki nga tamariki ngohengohe, kei rite te ahua ki nga hiahia o mua i a koutou e kuare ana:
- 15
- Engari kia rite ki te kai karanga i a koutou, e tapu ana hoki ia, kia tapu ano hoki ta koutou whakahaere katoa;
- 16
- Kua tuhituhia na hoki, Kia tapu koutou; e tapu ana hoki ahau.
- 17
- Na, i a koutou e karanga nei ki te Matua, ko ia nei hei whakawa mo te mahi a tenei a tenei, kahore ano hoki āna whakapai kanohi, e noho i runga i te mataku i a koutou e noho manene nei:
- 18
- Kia mahara ehara nga mea pirau te hiriwa te koura i te utu mo koutou, kia riro mai i runga i a koutou ritenga tekateka i whakarerea mai nei e nga mātua;
- 19
- Engari ko nga toto utu nui o te Karaiti, i rite nei ki te reme koha kore poke kore.
- 20
- I whakaritea nei i mua o te orokohanganga o te ao, a kua whakakitea mai nei i nga wa whakamutunga he whakaaro hoki ki a koutou,
- 21
- Kua meinga nei e ia kia whakapono ki te Atua, nāna nei ia i whakaara ake i te mate, a hoatu ana ki a ia he kororia; kia whai whakapono ai koutou kia whai tumanakotanga atu ai ki te Atua.
- 22
- Ka hē-kore nei i a koutou o koutou wairua, i a koutou ka meinga nei e te Wairua kia ngohengohe ki te pono, a kore iho he tinihanga o te aroha ki nga teina, na, kia nui te aroha o tetahi ki tetahi, kia ma ano hoki te ngakau:
- 23
- He mea whanau hou hoki koutou, ehara i te mea no te purapura pirau, engari no te mea pirau kore, na te kupu a te Atua, e ora nei, e u tonu nei, ake ake ake.
- 24
- Rite tonu hoki ki te tarutaru nga kikokiko katoa; te kororia katoa ano hoki o te tangata, ano he puawai tarutaru. E maroke te tarutaru, e ngahoro tona puawai:
- 25
- Ko te kupu ia a te Ariki, mau tonu ake ake. A ko te kupu ano tenei e kauwhautia atu nei ki a koutou.
Address: 
Phone: 
Email: