- 1
- Kua takoto hoki tenei i roto i a au, kia kaua toku hokinga atu ki a koutou e waiho i runga i te pouri.
- 2
- Ki te whakapouri hoki ahau i a koutou, ko wai hei whakaora i toku ngakau, ko ia anake e whakapouritia nei e ahau?
- 3
- A i tuhituhi ano ahau i taua mea nei ano ki a koutou, kei whai pouri ahau ina tae atu, i te hunga māna nei ahau e whakahari; e u ana hoki toku whakaaro ki a koutou katoa, kei a koutou katoa toku hari.
- 4
- He nui te mamae te pawera o te ngakau, he maha nga roimata, i taku tuhituhinga ki a koutou; ehara ia i te moa kia whakapouritia ai koutou, engari kia mātau ai koutou ki taku aroha e hira rawa nei ki a koutou.
- 5
- Na, ki te mea kua whakapouri tetahi, kahore ia i whakapouri i a au, ko tetahi wahi anake, kei taimaha rawa taku ki a koutou katoa.
- 6
- Heoi ano mo taua tu tangata, ko tenei riringa hara a te tokomaha.
- 7
- Ko tenei, engari me whakarere noa iho tana e koutou, me whakamarie, kei horomia ia e te pouri ka hira rawa nei.
- 8
- Koia ahau ka whakahau nei i a koutou, whakaukia te aroha ki a ia.
- 9
- Na konei ano hoki ahau i tuhituhi atu ai, kia mohio ai ahau ki nga tohu o koutou, e ngohengohe ana ranei i nga mea katoa.
- 10
- Na, ki te whakarerea noatia e koutou ta tetahi, ka whakarerea noatia atu hoki e au: ki te whakarerea noatia ano hoki ta tetahi e ahau, he whakaaro ki a koutou i whakarerea noatia ai e ahau, i te aroaro o te Karaiti;
- 11
- Kei tinihangatia hoki tatou e Hatana: ehara hoki tatou i te kuare ki ana whakaaro.
- 12
- Na, i taku taenga ki Toroa ki te kauwhau i te rongo pai o te Karaiti, a ka puare ki ahau tetahi kuwaha he mea na te Ariki,
- 13
- Kihai toku wairua i whai okiokinga, noku tē kite i taku teina i a Taituha: heoi poroporoaki ana ahau ki a ratou, a haere mai ana ki Makeronia.
- 14
- Na, me whakawhetai ki te Atua, e mea tonu nei i a matou kia whakamanamana i roto i a te Karaiti, a e mea nei i a matou hei whakaatu i te kakara o tona matauranga i nga wahi katoa.
- 15
- No te mea hoki he kakara pai matou no te Karaiti ki te Atua, i runga i te hunga whakaorangia ana, i runga ano hoki i te hunga e whakangaromia ana:
- 16
- Ki etahi he kakara matou no te mate ki te mate; a ki etahi he kakara no te ora ki te ora. A ko wai e tau ki enei mea?
- 17
- Kahore hoki matou e rite ki te tokomaha, e whakaranu nei i te kupu a te Atua: engari e rite ana ki ta te tinihanga kore, e rite ana ki ta te Atua, ta matou e korero nei i te aroaro o te Atua i roto i a te Karaiti.
Address: 
Phone: 
Email: