- 1
- Na, ko koe, e taku tamaiti, kia kaha i runga i te aroha noa, i tera i roto i a Karaiti Ihu.
- 2
- A, nga mea i rongo ra koe ki a au i nga kai whakaatu tokomaha, tukua ena mea ki etahi tāngata pono, e pai ana hei whakaako ki era atu ano hoki.
- 3
- Na, tukua atu nga mamae ki a koe, kia rite ki te hoia pai a Ihu Karaiti.
- 4
- Ki te whakahoia tetahi tangata, e kore ia e whakararurarua e nga mea o te ao; kia ahuareka ai ki a ia te kai whakatu i a ia hei hoia.
- 5
- Ki te whakataetae ano tetahi, e kore ia e karaunatia, ki te kore e rite ki te tikanga tana whakataetae.
- 6
- Ko te tikanga tenei kia mātua mahi te kai mahi, ka kai ai i nga hua.
- 7
- Whakaaroa aku e korero nei; a ma te Ariki e hoatu ki a koe he ngakau mahara i nga mea katoa.
- 8
- Kia mahara ki a Ihu Karaiti, i whakaarahia nei i te mate, no te uri o Rawiri, ko ta taku rongo pai hoki tenei:
- 9
- Ko te mea ano ia i pāngia ai ahau e nga mamae, a hereherea noatia iho, ano he tangata mahi kino; otira e kore ta te Atua kupu e herea.
- 10
- Koia hoki ahau i whakaririka kau ai ki nga mea katoa he mea mo te hunga whiriwhiri, kia whiwhi ai hoki ratou ki te oranga i roto i a Karaiti Ihu, ki te kororia mutunga kore ano hoki.
- 11
- He pono te korero; ki te mate tahi hoki tatou, ka ora tahi ano hoki tatou me ia.
- 12
- Ki te mamae tatou, ka whakakingitia ngatahitia me ia: ki te whakakahore tatou, ka whakakahoretia hoki tatou e ia:
- 13
- Ki te kore tatou e whakapono, e mau ana ano tona pono: e kore e ahei kia whakakahore ia i a ia ano.
- 14
- Whakamaharatia ratou ki enei mea, me kauwhau atu i te aroaro o te Ariki, kia kaua ratou e tautohetohe ki nga mea hua kore, ki nga mea whakaputa ke i nga kai whakarongo.
- 15
- Kia puta te tohe mou kia tu ki te aroaro o te Atua, he mea e manakohia ana, he kai mahi e kore e whakama, e wehewehe tika ana i te kupu pono.
- 16
- Mawehe atu i nga korero whakarihariha, i nga korero teka noa: ka neke ake hoki a nui noa te karakia kore:
- 17
- A e kai ano ta ratou kupu, ano he mea kua kikohungatia: no ratou a Himeniu raua ko Piritu;
- 18
- Kua hē nei ki te pono, e mea ana, Kua hemo ke te aranga mai; a whakaputaia ketia ake e ratou te whakapono o etahi.
- 19
- Ahakoa ra e u ana te mau o ta te Atua turanga, ko tona hiri hoki tenei, E mātau ana te Ariki ki āna ake: me tenei hoki, Kia mawehe atu i te hē nga tāngata katoa e whakahua ana i te ingoa o te Karaiti.
- 20
- Otiia i te whare nui ehara i te mea he koura he hiriwa kau nga oko, tera ano etahi he mea rakau he mea oneone; etahi hei mea honore, etahi hei mea honore kore.
- 21
- Na, ki te mea te tangata i a ia kia ma i ena mea, hei oko ia mo te honore, kua oti te whakatapu, te whakapai, mo nga mea o te rangatira, rite rawa mo nga mahi pai katoa.
- 22
- Oma atu i nga hiahia taitamariki: whaia te tika, te whakapono, te aroha, te rangimarie, e koutou tahi ko te hunga e karanga atu ana ki te Ariki i roto i te ngakau ma.
- 23
- Whakarerea atu ano nga uiuinga wairangi, kuare, kia mahara hoki ko aua mea hei whakatupu whawhai.
- 24
- Na, e kore e pai kia whawhai te pononga o te Ariki; engari kia ngawari ki nga tāngata katoa, kia whai ngakau ki te whakaako, kia manawanui,
- 25
- Me whakaako marie i te hunga e totohe ana; me kore e hoatu e te Atua ki a ratou he ripeneta e whakaae ai ki te pono;
- 26
- Kia ara ake ai hoki i roto i te mahanga a te rewera, te hunga i hopukia oratia e ia, hei mahi i tana i pai ai.
Address: 
Phone: 
Email: