- 1
- A i hangā ano e Petareere te aaka, he hitimi te rakau: e rua nga whatianga me te hawhe te roa, kotahi hoki whatianga me te hawhe te whanui, kotahi hoki whatianga me te hawhe tona teitei:
- 2
- A i whakakikoruatia e ia ki te koura para-kore a roto a waho; i hangā ano e ia he niao koura, a tawhio noa.
- 3
- I whakarewaina ano hoki e ia nga mowhiti koura e wha, mo ona koki e wha; e rua nga mowhiti mo tetahi taha, e rua hoki nga mowhiti mo tetahi taha.
- 4
- A i hangā ano e ia nga amo, he hitimi te rakau, a whakakikoruatia iho ki te koura.
- 5
- A i kuhua e ia nga amo ki nga mowhiti i nga taha o te aaka, hei amo mo te aaka.
- 6
- I hangā ano e ia te taupoki whakamarietanga ki te koura para-kore: e rua nga whatianga me te hawhe tona roa, kotahi hoki whatianga me te hawhe tona whanui.
- 7
- I hangā ano hoki e ia nga kerupima e rua ki te koura, he kotahi tonu aua mea i hangā e ia a, puta noa ki nga pito e rua o te taupoki whakamarietanga;
- 8
- Kotahi te kerupi ki tenei pito, kotahi hoki kerupi ki tera pito: kotahi ano te mea i hangā e ia nga kerupima me te taupoki whakamarietanga, ki nga pito e rua ano hoki o taua mea.
- 9
- A i roha atu whakarunga nga parirau o nga kerupima, i uhi i te taupoki whakamarietanga ki o raua parirau, me te anga ano o raua mata ki a raua; i anga whaka-te-taupoki whakamarietanga nga mata o nga kerupima.
- 10
- I hangā ano e ia te tepara, he hitimi te rakau: e rua nga whatianga tona roa, kotahi hoki whatianga tona whanui, kotahi whatianga ano hoki me te hawhe tona teitei:
- 11
- A i whakakikoruatia e ia ki te koura para-kore, i hangā ano hoki he niao koura mo taua mea, a tawhio noa.
- 12
- I hangā ano hoki e ia he awhi mo taua mea, he whanuitanga ringa te nui, a tawhio noa; i hangā ano hoki e ia he niao koura mo te awhi, a tawhio noa.
- 13
- A i whakarewaina e ia nga mowhiti koura e wha, a whakanohoia iho nga mowhiti ki nga koki e wha i ona waewae e wha.
- 14
- I te ritenga ake o te awhi nga mowhiti, hei kuhunga mo nga amo, hei maunga mo te tepara.
- 15
- A i hangā e ia nga amo, he hitimi te rakau, a whakakikoruatia iho ki te koura, hei amo mo te tepara.
- 16
- I hangā ano e ia nga oko mo runga i te tepara ki te koura para-kore, ona rihi, ona koko, ona peihana me ona kapa mo nga ringihanga.
- 17
- I hangā ano hoki e ia te turanga-rama ki te koura para-kore: he kotahi tonu te turanga-rama i hangā e ia, a, puta noa; kotahi tonu te mea no reira, tona take, tona peka, ona kapa, ona puku, me ona puawai:
- 18
- A e ono nga peka i puta ake i ona taha; e toru nga peka o te turanga-rama i tetahi taha, e toru hoki nga peka o te turanga-rama i tetahi taha;
- 19
- E toru nga kapa, he mea rite ki te aramona, me te puku, me te puawai, ki tetahi peka; e toru hoki nga kapa, he mea rite ki te aramona ki tetahi atu peka, me te puku me te puawai: he pera tonu i nga peka e ono e puta ake ana i te turanga-rama.
- 20
- A e wha nga kapa o te turanga-rama, he mea rite ki te aramona, me te puku me te puawai o tetahi o tetahi:
- 21
- A e rua nga peka kotahi puku o raro ake no taua koura ra ano, e rua hoki nga peka kotahi puku o raro ake no taua koura ra ano, e rua hoki nga peka kotahi puku o raro ake no taua koura ra ano, rite tonu ki nga peka e ono e puta mai ana i roto i taua mea.
- 22
- Kotahi tonu te koura o nga puku, o nga peka: he koura para-kore katoa; he kotahi tonu ano hoki, a, puta noa.
- 23
- I hangā ano hoki e ia ki te koura para-kore nga rama e whitu o taua mea, me ona kuku, me ona takotoranga ngarahu.
- 24
- Kotahi ano te taranata koura pare-kore i hangā ai e ia taua mea, me ona oko katoa.
- 25
- I hangā ano e ia te aata hei tahunga mea kakara, he hitimi te rakau: kotahi whatianga tona roa, kotahi hoki whatianga tona whanui; he tapawha; e rua hoki nga whatianga tona teitei; no taua rakau na ano ona haona.
- 26
- A whakakikoruatia iho e ia taua mea ki te koura para-kore, a runga, me ona taha, a potae katoa, me ona haona: i hangā ano hoki e ia he niao koura mo taua mea, a tawhio noa.
- 27
- I hangā ano hoki e ia nga mowhiti koura e rua mo taua mea, mo raro iho i tona niao, ki ona koki e rua, ki ona taha e rua, hei kuhunga mo nga amo, hei amohanga.
- 28
- I hangā ano e ia nga amo, he hitimi te rakau, a whakakikoruatia iho ki te koura.
- 29
- I hangā ano e ia te hinu tapu hei whakawahi, me te whakakakara para-kore ki nga mea kakara, ta te kai whakaranu hoki e hanga ai.
Address: 
Phone: 
Email: