- 1
- A ko nga whakatupuranga enei o Ehau, ara, o Eroma.
- 2
- I tangohia mai ana wahine e Ehau i roto i nga tamahine o Kanaana; a Araha tamahine a Erona Hiti, ratou ko Ahoripama tamahine a Anaha tamahine Tipeona Hiwi;
- 3
- Ko te tamahine a Ihimaera, ko Pahemata tuahine o Nepaiota.
- 4
- A whanau ake ta Araha raua ko Ehau ko Eripata; a whanau ake ta Pahemata ko Reuere;
- 5
- A whanau ake a Ahoripama, ko Ieuhu, ko Iaarama, ko Koraha: ko nga tama enei a Ehau i whanau nei mana ki te whenua o Kanaana.
- 6
- Na, ka tangohia e Ehau ana wahine, me ana tamariki, me ana tamahine, me nga tangata katoa o tona whare, me ana kararehe, me ana kirehe katoa, me ona taonga katoa i whiwhi ai ia ki te whenua o Kanaana, a haere ana ki tetahi whenua i te aroaro o Hakopa o tona teina.
- 7
- He nui hoki no o raua taonga, tē ahei ai raua te noho tahi; kihai hoki te whenua, i noho manene nei raua, i nui hei nohoanga mo raua, i a raua kararehe hoki.
- 8
- Na, ka noho a Ehau ki Maunga Heira; ko Eroma a Ehau.
- 9
- A ko nga whakatupuranga enei a Ehau papa o nga Eromi i Maunga Heira:
- 10
- Ko nga ingoa enei o nga tamariki a Ehau; ko Eripata tama a Araha wahine a Ehau, ko Reuere tama a Pahemata a te wahine a Ehau.
- 11
- A ko nga tamariki a Eripata, ko Temana, ko Omara, ko Tepo, ko Katama, ko Kenaha.
- 12
- A he wahine iti a Timina na Eripata tama a Ehau; a whanau ake ta raua ko Eripata, ko Amareke: ko nga tamariki enei a Araha wahine a Ehau.
- 13
- A ko nga tamariki enei a Reuere; ko Nahata, ko Heraha, ko Hamaha, ko Miha; ko nga tamariki enei a Pahemata wahine a Ehau.
- 14
- A ko nga tamariki enei a Ahoripama tamahine a Anaha tamahine a Tipeona, a te wahine a Ehau: a whanau ake a raua ko Ehau ko Ieuhu, ko Iaarama, ko Koraha.
- 15
- Ko enei o nga tamariki a Ehau i waiho hei ariki: ko nga tamariki a Eripata a te matamua a Ehau; ko ariki Temana, ko ariki Omara, ko ariki Tepo, ko ariki Kenaha,
- 16
- Ko ariki Koraha, ko ariki Katama, ko ariki Amareke: na Eripata enei ariki i te whenua o Eroma; ko nga tamariki enei a Araha.
- 17
- A ko nga tamariki enei a Reuere tamaiti a Ehau; ko ariki Nahata, ko ariki Heraha, ko ariki Hamaha, ko ariki Miha: na Reuere enei ariki i te whenua o Eroma; ko nga tamariki enei a Pahemata wahine a Ehau.
- 18
- A ko nga tamariki enei a Ahoripama wahine a Ehau; ko ariki Ieuhu, ko ariki Iaarama, ko ariki Koraha: na Ahoripama enei ariki na te tamahine a Anaha na te wahine a Ehau.
- 19
- Ko nga tamariki enei a Ehau, ara, a Eroma, a ko enei ano o ratou ariki.
- 20
- Ko nga tamariki enei a Heira Hori, ko nga tangata whenua hoki; ko Rotana, ko Hopara, ko Tipeona, ko Anaha,
- 21
- Ko Rihona, ko Etere, ko Rihana: ko nga ariki enei o nga Hori, ko nga tamariki hoki a Heira i te whenua o Eroma.
- 22
- A ko nga tamariki a Rotana, ko Hori ko Hemama; a ko Timina te tuahine o Rotana.
- 23
- A ko nga tamariki enei a Hopara; ko Arawana, ko Manahata, ko Epara, ko Hepo, ko Onama.
- 24
- A ko nga tamariki enei a Tipeona; ko Aiaha raua ko Anaha: na tenei Anaha i kite nga muera i te koraha, i a ia e whangai ana i nga kaihe a Tipeona a tona papa.
- 25
- A ko nga tamariki enei a Anaha; ko Rihona, ko Ahoripama ko te tamahine a Anaha.
- 26
- A ko nga tamariki enei a Rihona; ko Hemerana, ko Ehepana, ko Itirana, ko Kerana.
- 27
- Ko nga tamariki enei a Etere; ko Pirihana, ko Taawana, ko Akana.
- 28
- Ko nga tamariki enei a Rihana; ko Uhu, raua ko Arana.
- 29
- No nga Hori enei ariki; ko ariki Rotana, ko ariki Hopara, ko ariki Tipeona, ko ariki Anaha,
- 30
- Ko ariki Rihona, ko ariki Etere, ko ariki Rihana: no nga Hori enei ariki, no roto i o ratou ariki i te whenua o Heira.
- 31
- A ko nga kingi enei i kingi i te whenua o Eroma, i te mea kahore he kingi o nga tamariki o Iharaira.
- 32
- A he kingi no Eroma a Pera te tama a Peoro: a ko Rinihapa te ingoa o tona pa.
- 33
- Na, ka mate a Pera, a ko Iopapa tama a Heraha o Potera te kingi i muri i a ia.
- 34
- Na, ka mate a Iopapa, a ko Huhama o te whenua o Temani te kingi i muri i a ia.
- 35
- Na, ka mate a Huhama, a ko Harara tama a Perara, a te tangata nana nei i patu a Miriana ki te parae o Moapa, te kingi i muri i a ia: a ko Awiti te ingoa o tona pa.
- 36
- Na, ka mate a Harara, a ko Hamara o Mahareka te kingi i muri i a ia.
- 37
- Na, ka mate a Hamara, a ko Haora o Rehopoto i te taha o te awa te kingi i muri i a ia.
- 38
- Na, ka mate a Haora, a ko Paara-hanana te tama a Akaporo te kingi i muri i a ia.
- 39
- Na, ka mate a Paara-hanana tama a Akaporo, a ko Harara te kingi i muri i a ia: a ko Pau te ingoa o tona pa; ko Mehetapere hoki te ingoa o tana wahine, he tamahine ia na Matarere tamahine o Metahapa.
- 40
- Na, ko nga ingoa enei o nga ariki, ara, o nga whanau a Ehau, o tona hapu o tona hapu, o tona kāinga o tona kāinga, tona ingoa tona ingoa; ko ariki Timina, ko ariki Arawa, ko ariki Ietete,
- 41
- Ko ariki Ahoripama, ko ariki Eraha, ko ariki Pinona,
- 42
- Ko ariki Kenaha, ko ariki Temana, ko ariki Mipitara,
- 43
- Ko ariki Makatiere, ko ariki Irama: no Eroma enei ariki, me o ratou nohoanga i te whenua i nohoia e ratou: ko Ehau ia ko te papa o nga Eromi.
Address: 
Phone: 
Email: