- 1
- Aue te mate mo Ariere, mo Ariere, mo te pa i noho ai a Rawiri! tapiritia iho tetahi tau ki tetahi tau, kia patua e ratou nga patunga tapu.
- 2
- Otiia ka whakapouritia ano e ahau a Ariere, a ka pouri, ka tangi: ki taku ka rite ano ki Ariere.
- 3
- Ka nohoia atu ano koe e ahau, a karapoi noa; ka whakapaea ano koe e ahau ki te parepare, ka ara ano i a au nga taiepa hei tatauranga atu ki a koe.
- 4
- Ka whakahokia iho ano hoki koe, ka korero ake i te whenua; ka iti ano te kupu i roto i te puehu, ka rite ano tou reo ki to te tangata i te atua maori, he mea puta ake i te whenua, ka kowhetewhete ake ano hoki to kupu i roto i te puehu.
- 5
- Ka rite ano o tangata ke e tokomaha nei ki te puehu ririki; me te hunga nanakia ano e tokomaha nei, ki te papapa e rere atu ana: kitea rawatia ake ka oti tata.
- 6
- Ka pa mai ta Ihowa o nga mano ki a koe, he whatitiri, he ru, he reo nui, he paroro, he tupuhi, he mura ahi e kai ana.
- 7
- A ka rite ki te moe, ki te rekanga kanohi o te po nga iwi maha katoa e whawhai ana ki Ariere, ara, te hunga katoa e ngangare ana ki a ia ki tona pa, e whakatupu kino ana i a ia.
- 8
- Ka rite ano ki te tangata mate-kai e moe ana, na, kei te kai ia; heoi te ohonga ake e takoto kau ana tona wairua: ka rite ano ki te tangata mate wai e moe ana, na, kei te inu ia; te ohonga ake, kahore he kaha, kei te hiahia ano tona wairua: ko te rite tera o nga iwi maha katoa e whawhai ana ki Maunga Hiona.
- 9
- Tu tonu koutou, miharo ai; hamama, hamama: kua haurangi ratou, ehara ia i te haurangi waina; hurorirori kau ana ratou, kahore ano ia he wai kaha.
- 10
- No te mea kua ringitia atu e Ihowa te wairua o te moe au tonu ki runga ki a koutou; kua oti ano o koutou kanohi te whakamoe e ia: nga poropiti, o koutou rangatira, nga matakite, taupoki rawa.
- 11
- Na, i roto i a koutou rite tonu te whakakitenga mai a te katoa ki nga kupu o te pukapuka kua oti te hiri, a te hoatutanga ki te mea mātau ki te korero pukapuka, te kianga atu, Tena ra, korerotia tenei, ka ki ake ia, E kore e ahei; kua oti na hoki te hiri.
- 12
- Katahi ka hoatu taua pukapuka ki te mea kahore nei e mātau ki te korero pukapuka; na ko te kianga atu, Tena ra korerotia tenei. Ano ra ko ia, E kore ahau e matau ki te korero.
- 13
- Na, ko te kianga ake tenei a te Ariki, Te iwi nei, ko o ratou mangai hei whakatata mai, ko o ratou ngutu hei whakahonore i a au; matara noa atu i a au o ratou ngakau; a to ratou wehi ki a au he mea whakaako e ta nga tangata tohutohu.
- 14
- Na, tenei tetahi ake mahi whakamiharo aku ki tenei iwi, miharo, miharo whakaharahara; ka whakamotitia hoki nga whakaaro a o ratou mea whakaaro nui, ka ngaro ano hoki te matauranga o o ratou mea mohio.
- 15
- Aue te mate mo te hunga e whai ana i te wahi hohonu, kia ngaro ai ta ratou whakaaro i a Ihowa; kei te pouritanga ano hoki a ratou mahi, e mea ana hoki ratou, Ko wai e kite i a tatou? ko wai hoki e matau ki a tatou?
- 16
- He pono ka kiia ta koutou hurihanga ake o nga mea he paru na te kai hanga rihi: e ki ake ano ranei te mahi ki tona kai hanga, Kihai ahau i hangā e ia? e mea ake ranei te mea i mahia ki tona kai mahi, Kahore ona matauranga?
- 17
- He teka ranei he iti rawa nei te takiwa, a ka puta ke a Repanona hei mara whai hua, ka kiia ano hoki te mara whai hua hei ngahere?
- 18
- I taua rangi ka rongo nga turi i nga kupu o te pukapuka, ka kite ano nga kanohi o nga matapo i roto i te pouri kerekere.
- 19
- Ka neke ake ano hoki te hari o te hunga mahaki ki a Ihowa, ka koa ano nga tangata rawa-kore ki te Mea Tapu o Iharaira.
- 20
- Kua moti hoki te tangata nanakia, te tangata whakahi kua poto; kua hatepea atu ano hoki te hunga katoa e whanga ana ki te kino:
- 21
- Ta ratou nei, Kia kotahi te kupu, kua hara te tangata; te kai riri o te he i te kuwaha mahangatia ana e ratou; kahore he rawa i whakapeaua ketia ai e ratou te tangata tika.
- 22
- Na, ko te kupu tenei a Ihowa, nana nei a Aperahama i hoko, mo te whare o Hakopa, E kore a Hakopa e whakama aianei, e kore ano e kōmā tona mata aianei.
- 23
- Engari tona kitenga i ana tamariki, i te mahi a oku ringaringa, i roto i a ia, ka whakatapua e ratou toku ingoa, ka whakatapua ano e ratou te Mea Tapu o Hakopa, ka wehi ano hoki ki te Atua o Iharaira.
- 24
- Ka mohiotia ano te matauranga e te hunga wairua kotiti ke, a ka akona te kupu mohio e te hunga amuamu.
Address: 
Phone: 
Email: