- 1
- I taua wa ka tukua mai he pukapuka me tetahi hakari ki a Hetekia e Meroraka-pararana, tama a Pararana kingi o Papurona; no te mea i rongo ia, kei te mate ia a kua ora.
- 2
- A, koa tonu a Hetekia ki a ratou, whakakitea ana e ia ki a ratou te whare o ana mea papai, te hiriwa, te koura, nga kinaki kakara, te hinu pai, me te whare katoa o ana mea mo te whawhai, me nga mea katoa i rokohanga ki roto ki ona taonga: kahore tetahi mea o tona whare, o tona kingitanga katoa, i kore te whakakitea atu e Hetekia ki a ratou.
- 3
- Katahi a Ihaia poropiti ka haere mai ki a Kingi Hetekia, ka mea ki a ia, I pehea mai enei tangata? i haere mai hoki ratou i hea ki a koe? Ano ra ko Hetekia, I haere mai ratou i te whenua hoi ki a au, i Papurona.
- 4
- Ano ra ko tera, Ko ehea mea i kitea e ratou i roto i tou whare? Ka mea atu a Hetekia, Kua kitea e ratou nga mea katoa i roto i toku whare. Kahore tetahi mea i roto i oku taonga i kore te whakakitea atu e ahau ki a ratou.
- 5
- Na, ko te meatanga mai a Ihaia ki a Hetekia, Whakarongo mai ki te kupu a Ihowa o nga mano.
- 6
- Nana, kei te haere mai nga ra e kawea ai ki Papurona nga mea katoa o tou whare, me nga mea kua rongoatia nei e ou mātua a taea noatia tenei ra; e kore tetahi mea e mahue, e ai ta Ihowa.
- 7
- Ka tangohia atu ano hoki e ratou etahi o o tamariki e puta mai i roto i a koe, e whanau nei mau; a hei unaka ratou i roto i te whare o te kingi o Papurona.
- 8
- Ano ra ko Hetekia ki a Ihaia, Pai tonu te kupu a Ihowa i korerotia mai na e koe. I mea hoki ia, Ka mau hoki te rongo, me te pono i oku ra.
Address: 
Phone: 
Email: