- 1
- Katahi ka whakahokia mai e Topara Naamati; i mea ia,
- 2
- Kaua ianei he kupu e whakahokia ki nga kupu maha, a, e whakatikaia ranei te tangata ngutu hohoro?
- 3
- Ma o kupu horihori ranei e whakarongo puku ai nga tangata; a kaua ranei tetahi e mea i a koe kia whakama, ina tawai koe?
- 4
- Kua mea na hoki koe, He tika taku whakaakoranga, e ma ana ahau ki tau titiro mai.
- 5
- Aue, me i korero te Atua, me i puaki mai ona ngutu ki a koe!
- 6
- Me i whakaaturia mai e ia ki a koe nga mea ngaro o te matauranga, ara, kei tua atu i enei etahi atu. Kia mohio ano hoki koe he iti iho i ou he ta te Atua e tango nei i a koe.
- 7
- Whakatakina atu e koe te Atua, e kitea ano ranei e koe? E tino kitea rawatia ranei e koe te Kaha-rawa?
- 8
- Kei te rangi te tiketike; ka pehea koe? hohonu iho i te reinga; ko te aha e mohiotia e koe?
- 9
- Tona rūri, roa atu i te whenua; whanui atu i te moana.
- 10
- Ki te mea ka whakaputaina ketia e ia, ka tutakina atu ranei, ka huihuia ranei, ma wai tana e whakahoki?
- 11
- E mohio ana hoki ia ki nga tangata teka noa; e kite ana ano ia i te he, a e kore ianei e whakaaroa e ia?
- 12
- Na, te mea whakaaro-kore nei, te tangata, whakatangata-mohio noa ia i a ia, heoi he kuao kaihe mohoao te tangata i tona whanautanga ai.
- 13
- Ki te whakatikaia atu e koe to ngakau, a ka wherahia atu o ringa ki a ia;
- 14
- Ki te mea he hē kei tou ringa, whakamataratia atu, kaua hoki te kino e noho ki ou tapenakara.
- 15
- Ko reira ano ara ai tou mata, tē ai he tongi; ka u hoki koe, tē ai he wehi:
- 16
- E wareware hoki koe ki te mauiui, ka rite ki te wai e rere ana to maharatanga ake.
- 17
- Nga wa i a koe, nui atu te mārama i to te ra e tu tonu ana; ka whiti koe, ka rite ki te ata.
- 18
- Ka tatu o whakaaro, no te mea ka whai tumanakohanga atu; ka keri ano koe, a ka takoto marire.
- 19
- E tapapa iho ano koe, tē ai he kai whakawehi; he tokomaha ano hoki e whai kia paingia e koe.
- 20
- Ka hemo ia nga kanohi o te hunga kino, kore ake he rerenga; ta ratou e tumanako atu ai, ano ko te manawa e hangia atu ana.
Address: 
Phone: 
Email: