- 1
- Kua pirau toku manawa, moti rawa oku ra, kua rite nga urupa moku.
- 2
- He teka ianei he hunga tawai enei kei a au? a kei roto tonu toku kanohi i ā ratou whakakarangirangitanga?
- 3
- Tena ra, whakatakotoria, kia takoto a taua moni whakakapi turanga; ko wai hei papaki i toku ringa?
- 4
- Kua hunā hoki e koe o ratou ngakau kei mohio; no reira ano e kore koe e whakaneke ake i a ratou.
- 5
- Te tangata e korero whakapati ana ki ona hoa, ka hemo nga kanohi o ana tamariki.
- 6
- Kua meinga ahau e ia hei whakatauki ma nga iwi; i mua ano hei timipera ahau.
- 7
- Kua atarua toku kanohi i te tangihanga, rite tonu ki te atarangi oku wahi katoa.
- 8
- Ka miharo te hunga tika ki tenei, a ka whakaoho te tangata hara-kore i a ia ano hei whakahe i te ngutu kau.
- 9
- Ka mau ano hoki te tangata tika ki tona ara, te tangata ringa ma ano hoki, ka neke ake te kaha.
- 10
- Ko koutou katoa ia, tahuri, anga mai nei, kihai hoki tetahi tangata mahara i kitea e ahau i roto i a koutou.
- 11
- Kua pahemo oku ra, motumotuhia ake aku whakaaro i whakatakoto ai, nga taonga o toku ngakau.
- 12
- Ko te po kua meinga hei ao; poto kau nei te māramatanga, he mea na te pouritanga.
- 13
- Ki te whanga atu ahau, ko te urupa hei whare moku, he mea whariki naku toku moenga ki te pouritanga.
- 14
- Taku karanga ki te pirau, Ko toku pāpā koe: ki te iro, Toku whaea, toku tuahine!
- 15
- Kei hea ra he tumanakohanga atu maku? taku e tumanako atu ai ko wai e kite?
- 16
- Ka riro ki raro ki nga taha o te rua, ka okioki ngatahi ano matou ki te puehu.
Address: 
Phone: 
Email: