- 1
- I korero mai ano a Ihowa, ki a Hopa, i mea,
- 2
- E tohutohu mai ano ranei te tangata e totohe ana ki a te Kaha-rawa? kia korerotia mai tenei e te tangata e whakatupehupehu ana ki te Atua.
- 3
- Ano ra ko Hopa ki a Ihowa; i mea ia.
- 4
- Nana, he kino au. Ko te aha taku e whakahoki atu ai ki a koe? ka kopania toku ringa ki toku mangai.
- 5
- Kotahi taku korerotanga; otiia e kore ahau e whai kupu atu: e rua ano; otiia kahore ake aku.
- 6
- Ano ra ko Ihowa mai ki a Hopa i roto i te tukauati; i mea ia,
- 7
- Tena ra, whakatangata, whitikiria tou hope, a ka ui atu ahau ki a koe, mau ano e whakaatu mai ki a au.
- 8
- Me whakakahore ano ranei e koe taku whakarite whakawa? me whakahe ki a au kia whakatikaia ai tau?
- 9
- E rite ana ranei tou ringa ki to te Atua? he reo whatitiri ranei tou, he pera me tona?
- 10
- Tena ra meatia iho te whakakingi, te whakakororia, hei whakapaipai mou? kakahuria hoki te honore, te ataahuatanga.
- 11
- Kia tohatoha noa atu te aritaritatanga o to riri; tirohia atu nga mea whakakake katoa, whakaititia iho.
- 12
- Titiro atu ki nga mea whakakake katoa, whakapikoa iho; takahia iho ano hoki te hunga kino i to ratou wahi ano.
- 13
- Huihuia atu ratou, hunā ki te puehu, herea o ratou mata ki te wahi ngaro.
- 14
- Ko reira ano ahau whakaae ai ki a koe ma tou ringa matau koe e whakaora.
- 15
- Na, whakaaroa a Pehemoto he mea hanga ngatahi korua naku; e kai ra i te tarutaru, ano he kau.
- 16
- Nana, tona kaha kei tona hope, tona pakaritanga kei nga auau o tona kopu.
- 17
- Tona hiawero, ano he hita e tawhiria ana e ia: powhiwhiwhiwhi tonu nga uaua o tona huwha.
- 18
- Ona wheua, ano he korere parahi; ona wheua, he poro rino.
- 19
- Ko ia te tino mea nui o nga ara a te Atua: ko tona kai hanga ano hei whakapa i tana hoari ki a ia.
- 20
- He pono ko nga maunga hei homai kai mana; kei reira ano hoki e takaro ana nga kirehe katoa o te parae.
- 21
- Tona takotoranga, kei raro i nga rakau kouru nui, kei te wahi ngaro kei te kakaho, kei te repo.
- 22
- Hei taupoki mona te whakamarumaru o nga rakau kouru nui, kei tetahi taha ona, kei tetahi taha, nga wirou o te wa.
- 23
- Nana, aki noa mai te waipuke, e kore ia e potatutatu; u tonu tana whakaaro ahakoa kokiri noa mai ai a Horano ki tona mangai.
- 24
- Titiro tonu atu ia, tatari tonu atu: i roto ano i nga rore, puta tonu atu tona ihu.
Address: 
Phone: 
Email: