- 1
- Kua tae ake te kai wahi ki tou aroaro: tiakina te pa, tuteia te ara, kia kaha to hope, kia u whakaharahara to kaha.
- 2
- No te mea kua whakatahuritia atu e Ihowa te nui o Hakopa, kua rite ki te nui o Iharaira: kua takoto kau nei hoki ratou, he mea na nga kai whakatakoto kau, kua he ano hoki a ratou manga waina i a ratou.
- 3
- Kua oti te whakangungu rakau a ana marohirohi te whakawhero, he ngangana te kakahu o nga maia: kei te roherohe e mura ana te rite o nga hariata i te ra e takatu ai ia, nga kauri wiri rawa.
- 4
- Nga hariata ngana tonu i nga huarahi, ka tutetute ki a ratou ano i nga waharoa; to ratou ahua kei to nga roherohe, to ratou oma me he uira.
- 5
- Ka korerorerotia e ia ana metararahi; ka hinga ratou i a ratou e haere ana; ka hohoro ratou ki to reira taiepa, a ka rite te arai.
- 6
- Ka whakatuwheratia nga kuwaha o nga awa, ka papahoro te whare kingi.
- 7
- Ka whakaraua atu ano hoki a Hutapa, ka riro ake ia, ko ana pononga wahine ano ki te arahi i a ia, te reo, koia ano kei to nga kukupa, ko o ratou uma ano hei timipera ma ratou.
- 8
- To Ninewe rite o namata iho kei te puna wai: heoi ka rere ratou, Ta ratou karanga, E tu, e tu; heoi e kore tetahi e tahuri mai.
- 9
- Pahuatia te hiriwa, pahuatia te koura: kahore hoki he mutunga o nga rawa, o te kororia, i roto i nga taonga ahuareka katoa.
- 10
- Kua takoto kau ia, kahore ana mea, moti rawa, harotu kau te ngakau, kei te aki ano nga turi ki a raua, he nui te mamae o nga hope katoa, kei te amene mai ano hoki nga mata o ratou katoa i te pouri.
- 11
- Kei hea te nohoanga o nga raiona? te wahi kai ano hoki a nga kuao raiona? te wahi i haereere ai te raiona, ara te raiona katua, me te kuao raiona, tē ai he kai whakawehi?
- 12
- I haehaea mai e te raiona ta ana kuao i makona ai, notia ana e ia te kaki hei mea ma ana raiona wahine, whakakīa ana e ia ana rua ki nga kai, ona nohoanga ki te mea haehae.
- 13
- Nana, hei hoa riri tenei ahau, mou, e ai ta Ihowa o nga mano, ka tahuna ano e ahau ana hariata i roto i te paowa, ka pau ano hoki o kuao raiona i te hoari: ka hatepea atu ano hoki e ahau i runga i te whenua tau i haehae ai, e kore ano te reo o o karere e rangona a muri ake nei.
Address: 
Phone: 
Email: