- 1
- Ma te kupu ngawari e kaupare atu te whakatakariri; ma te kupu whakapouri ano e whakaoho te riri.
- 2
- He pai ta te arero o te hunga whakaaro nui whakahaere i te matauranga: he wairangi ano hoki te whakapuakina mai ana e te mangai o te hunga kuare.
- 3
- Kei nga wahi katoa nga kanohi o Ihowa e titiro ana ki te hunga kino, ki te hunga pai.
- 4
- Te arero tikanga pai, ko te rakau ia o te ora; tena ko te mea whanoke he wawahi wairua tena.
- 5
- Whakahawea tonu te wairangi ki te ako a tona pāpā; he tupato ia te tangata e mahara mai ana ina riria te he.
- 6
- He nui te taonga i roto i te whare o te tangata tika: he raruraru ia kei roto i nga mea hua o te tangata kino.
- 7
- E ruia ana te matauranga e nga ngutu o te hunga whakaaro nui: kahore ia he pena a te ngakau o nga kuare.
- 8
- He mea whakarihariha ki a Ihowa te whakahere a te hunga kino; ko te inoi ia a te hunga tika tana e manako mai ai.
- 9
- He mea whakarihariha ki a Ihowa te huarahi o te tangata kino; ko te tangata ia e whai ana i te tika tana e aroha ai.
- 10
- He mea kino te ako ki te tangata e whakarere ana i te ara; te tangata e kino ana ina riria tona he ka mate.
- 11
- Kei te aroaro o Ihowa te reinga me te whakangaromanga; ae ra, me nga ngakau ano hoki o nga tamariki a te tangata.
- 12
- E kore te tangata whakahi e aroha ki te tangata e riria ai tona he; e kore ano ia e haere ki te hunga whakaaro nui.
- 13
- Ma te koa o te ngakau ka pai ai te mata; ma te pouri ano o te ngakau ka maru ai te wairua.
- 14
- E rapu ana te ngakau mohio i te matauranga; ta te mangai ia o nga kuare e kai ai ko te wairangi.
- 15
- He kino nga ra katoa o te tangata pouri. Te tangata i te ngakau mārama he hakari mau tonu tana.
- 16
- He pai iti i kinakitia ki te wehi ki a Ihowa, nui atu i nga taonga maha i kinakitia ki te raruraru.
- 17
- He puwha hei tina, a ko te aroha hei kinaki, pai atu i te kau whangai e kinakitia ana ki te mauahara.
- 18
- Ta te tangata riri he whakaoho i te tautohe; ta te tangata manawanui he pehi i te pakanga.
- 19
- Te ara o te tangata mangere, ano he taiepa tataramoa: he huarahi nui noa atu ia to te hunga tika.
- 20
- He whakaaro nui te tamaiti, ka koa te pāpā; ta te tangata kuare ia he whakahawea ki tona whaea.
- 21
- Ki te mahara-kore he mea whakahari te wairangi; he tika ia te haere a te tangata matau.
- 22
- Ki te kahore he runanga, ka taka nga whakaaro: ma te tokomaha ia o nga kaiwhakatakoto whakaaro ka mau ai.
- 23
- Kei ta tona mangai i whakahoki atu ai he koa mo te tangata: te kupu i te wa i tika ai, ano te pai!
- 24
- Te ara ki te ora o te tangata matau e anga ana ki runga, he mea kia mahue ai i a ia te reinga o raro.
- 25
- Ka whakangaromia e Ihowa te whare o te hunga whakakake: ka whakapumautia ano e ia te rohe a te pouaru.
- 26
- He mea whakarihariha ki a Ihowa nga whakaaro a te tangata kino; he ahuareka ia nga kupu a te hunga ma.
- 27
- Te tangata apo taonga raruraru ana i a ia tona whare, te tangata e kino ana ki nga mea homai noa, ka ora ia.
- 28
- Ta te ngakau o te tangata tika, he whakaaro ki te kupu hei whakahokinga mai; he kino ia nga mea e whakapuakina mai ana e te mangai o te hunga kino.
- 29
- E matara atu ana a Ihowa i te hunga kino: na, e whakarongo ana ia ki te inoi a te hunga tika.
- 30
- Ma te māramatanga o nga kanohi ka koa ai te ngakau; ma te rongo pai ka momona ai nga wheua.
- 31
- Te taringa e whakarongo ana ki te whakatupato e ora ai, tona nohoanga kei roto i te hunga whakaaro nui.
- 32
- Te tangata kahore e pai ki te ako e whakahawea ana ki tona wairua; te tangata e whakarongo ana ina riria tona he ka whiwhi ia ki te ngakau mahara.
- 33
- To te wehi ki a Ihowa he ako e whai whakaaro ai; i mua hoki i te honore ko te ngakau whakaiti.
Address: 
Phone: 
Email: