- 1
- (He himene na Rawiri.) Ka waiatatia e ahau te mahi tohu, me te whakarite whakawa: ka himene atu ki a koe, e Ihowa.
- 2
- Ka ata ngarahu ahau i taku mahi, i runga i te ara tika. Ahea koe haere mai ai ki a au? Ka haereere ahau i roto i toku whare i runga i te ngakau tapatahi.
- 3
- E kore te mea kino e waiho e ahau i mua i oku kanohi; e kino ana ahau ki te hunga e peka ke ana te mahi: e kore e piri ki a au.
- 4
- Me mawehe atu te ngakau parori ke i a au: e kore ahau e mohio ki te tangata kino.
- 5
- Te tangata e ngautuara puku ana ki tona hoa, ka ngaro ia i a au: e kore ahau e aro atu ki te tangata kanohi whakakake, ki te tangata ngakau whakapakari.
- 6
- Kei runga i nga mea pono o te whenua oku kanohi, a ka noho ratou ki a au: te tangata e haere ana i te ara tika, ka mahi tena ki a au.
- 7
- E kore e noho i roto i toku whare te kai mahi hianga: e kore e tu ki toku aroaro te tangata korero teka.
- 8
- Ka whakangaromia wawetia e ahau nga tangata kino katoa o te whenua: ka hatepea ano hoki i roto i te pa o Ihowa nga kai mahi katoa i te kino.
Address: 
Phone: 
Email: