Psalms Chapter 113 - Paipera Tapu 1868 | Te Paipera Tapu 1868

Psalms Chapter 113 - Paipera Tapu 1868

1
Whakamoemititia a Ihowa. Whakamoemititia, e nga pononga a Ihowa: whakamoemititia te ingoa o Ihowa.
2
Kia whakapaingia te ingoa o Ihowa aianei, a, ake ake ake.
3
Kia whakamoemititia te ingoa o Ihowa: i te putanga mai o te ra, a, tae noa atu ki tona torengitanga.
4
Kei runga rawa a Ihowa i nga iwi katoa: kei runga atu i nga rangi tona kororia.
5
Ko wai te rite ana ki a Ihowa, ki to tatou Atua, e noho nei i runga,
6
E whakaiti nei i a ia, e titiro iho nei ki te rangi, ki te whenua.
7
E whakaara ake nei i te iti i roto i te puehu, e whakateitei ake nei i te rawa-kore i roto i te puranga paru;
8
A whakanohoia ana e ia ki roto ki nga rangatira, ki nga rangatira o tana iwi.
9
Nana hoki te pakoko i whai whare ai; he whaerēre e koa ana ki ana tamariki. Whakamoemititia a Ihowa.