- 1
- (He waiata; he pikitanga.) E Ihowa, maharatia a Rawiri, me ona mamaetanga ngakau katoa;
- 2
- Tana oatitanga ki a Ihowa, tana kupu taurangi ki te Mea Nui o Hakopa.
- 3
- E kore rawa ahau e tae atu ki toku whare e noho ai au, e eke ranei ki runga ki toku moenga;
- 4
- E kore ahau e tuku i oku kanohi kia moe, i oku kamo kia nenewha;
- 5
- Kia kitea ra ano e ahau he wahi mo Ihowa, he nohoanga mo te Mea Nui o Hakopa.
- 6
- Na, i rangona e matou ki Eparata, i kitea ki nga mara o te ngahere.
- 7
- Ka haere atu matou ki roto ki ona tapenakara; ka koropiko ki tona turanga waewae.
- 8
- E ara, e Ihowa, ki roto ki tou okiokinga, a koe, me te aaka o tou kaha.
- 9
- Kia whakakakahuria o tohunga karakia ki te tika; kia hamama to hunga tapu i te hari.
- 10
- Kia whakaaro koe ki a Rawiri, ki to pononga: kaua e whakapeaua atu te mate o tau i whakawahi ai.
- 11
- Kua oati pono a Ihowa ki a Rawiri, e kore ano hoki ia e tahuri ke atu i tena; Ka whakanohoia e ahau tetahi hua o tou kopu ki runga ki tou torona.
- 12
- Ki te puritia e o tamariki taku kawenata, me taku whakaaturanga e ako ai ahau ki a ratou, ka noho ano hoki a ratou tamariki ki runga ki tou torona ake ake.
- 13
- Kua whiriwhiria hoki e Ihowa a Hiona; kua hiahiatia e ia hei nohoanga mona.
- 14
- Ko toku okiokinga tenei ake ake; ko konei ahau noho ai, kua hiahiatia hoki e ahau.
- 15
- Ka manaakitia rawatia e ahau tana kai; ka whakamakonatia e ahau ona rawa-kore ki te taro.
- 16
- Ka whakakakahuria ano hoki e ahau ona tohunga ki te whakaoranga; a ka hamama tona hunga tapu i te hari.
- 17
- Ka meinga e ahau kia pihi ki reira te haona o Rawiri: kua whakapaia e ahau he rama mo taku i whakawahi ai.
- 18
- Ka whakakakahuria e ahau ona hoa riri ki te whakama; a ka matomato tona karauna i runga i a ia.
Address: 
Phone: 
Email: