- 1
- (Ki te tino kai whakatangi. He himene na Rawiri.) Ma Ihowa e whakahoki mai he kupu ki a koe i te ra o te hē; ma te ingoa o te Atua o Hakopa koe e tiaki;
- 2
- Mana e tono mai he awhina mou i roto i te wahi tapu, e whakau mai hoki koe i Hiona;
- 3
- Mana e mahara mai ki o whakahere katoa, e manako mai hoki ki o tahunga tinana. Hera.
- 4
- Mana e homai ki a koe ta to ngakau e mea ai, e whakamana katoa hoki tau e wawata ai.
- 5
- Ka hari matou ki to whakaoranga ka whakatu hoki i o matou kara i runga i te ingoa o to matou Atua: ma Ihowa e whakarite au inoi katoa.
- 6
- Katahi au ka matau e whakaora ana a Ihowa i tana tangata i whakawahi ai, ka whakahoki kupu mai ia ki a ia i runga i tona rangi tapu, me te kaha ano tona ringaringa matau ki te whakaora.
- 7
- Ko etahi e whakawhirinaki ana ki nga hariata, ko etahi ki nga hoiho: ko matou ia ka mahara ki te ingoa o Ihowa, o to matou Atua.
- 8
- Kua piko iho ratou, kua hinga: ko matou ia kua ara ake, kua tu ki runga.
- 9
- Whakaorangia te Kingi, e Ihowa: kia whakahoki kupu mai ia i te ra e karanga atu ai matou.
Address: 
Phone: 
Email: