- 1
- (He himene na Rawiri, i tona omanga atu i tana tamaiti i a Apohorama.) E Ihowa, ano te tini o oku hoa riri, he tokomaha te hunga e whakatika mai ana ki a au.
- 2
- He tokomaha te mea ana ki toku wairua, Hore rawa he whakaoranga mona i te Atua. Hera.
- 3
- Ko koe ia, e Ihowa, hei whakangungu rakau moku, hei kororia moku, me te kai whakaara i toku mahunga.
- 4
- I karanga atu toku reo ki a Ihowa: a whakahoki kupu mai ana ia ki a au i tana maunga tapu. Hera.
- 5
- I takoto iho ahau, i moe; i ara ake ano; na Ihowa hoki ahau i whakamau ake.
- 6
- E kore ahau e mataku i nga mano tini o te iwi: e karapoti nei i a au.
- 7
- Whakatika, e Ihowa; whakaorangia ahau, e toku Atua: nau hoki i patu te kauae o oku hoa riri katoa; mangungu noa i a koe nga niho o te hunga kino.
- 8
- Na Ihowa te whakaoranga: kei runga i to iwi to manaakitanga. Hera.
Address: 
Phone: 
Email: