- 1
- (Ki te tino kai whakatangi Nekina. Na Rawiri.) Whakarongo, e te Atua, ki taku karanga: tahuri mai ki taku inoi.
- 2
- Ka karanga atu ahau ki a koe i te pito o te whenua: ina pehia iho toku ngakau: arahina atu ahau ki te kohatu e tiketike ake ana i a au.
- 3
- Hei piringa hoki koe moku: hei pa kaha i te hoa riri.
- 4
- Ka noho ahau ki tou tapenakara ake ake, ka okioki atu ki ou pakau hei piringa. Hera.
- 5
- Kua rongo nei hoki koe, e te Atua, i aku kupu taurangi, kua homai e koe te wahi o te hunga e wehi ana ki tou ingoa.
- 6
- Ka whakaraneatia e koe nga ra o te kingi: ona tau a tera whakatupuranga, ki tera whakatupuranga.
- 7
- E noho ia i te aroaro o te Atua ake ake: whakakitea mai he aroha, he pono, hei tiaki i a ia.
- 8
- Penei ka himene atu ahau ki tou ingoa ake ake: ka whakamanā e au aku kupu taurangi i tenei ra, i tenei ra.
Address: 
Phone: 
Email: